lundi 4 avril 2016

وقت المشماش

Le temps des cerises massacré :) check ✅


كي يطيب المشماش *** ريحتو  تدمّع الأرماش 

كي يطيب المشماش *** حتّى حق قليباتو ما جاش

 

أمّا كي يطيب المشماش خسارة مايبقى 

وين كنّا نتشعبطو نخطفوه بين الورقة و الورقة

نحلمو برطابة قشرتو و حلاوتو بالسرقة

و تتزلع الركايب و المرافق و ما تبراش 

كل عاشق يجي نهار تاقفلو زنقة

كي يطيب المشماش خسارة ما يبطاش


                          ***

كي يطيب المشماش ردو بالكم

و كان تخافو من الزلعات شدّو دياركم

و ابعدو على الزينات يبهذلو بحالكم

كانك عليّ الرهبة ما نعرفهاش

ما نعيشش من غير تشعبيط اهو نقولهالكم

خدود الورد حمرا كي الدم يا مشماش


                         ***


كي يطيب المشماش هذاكة أحسن الأوقات

فيه قلبي الزلوزي صارت عليه حكايات

تحك عالسيمان و مرارتو تنحّات

و عباوه بالرصاص و باقي ما نساش

فرحتو وزهوتو و زربة الدّقّات

في الوقت إلّي يطيب فيه المشماش