بحكم الخدمة الجديدة قاعد نشوف في برشا عباد من برشا بلدان و ثمّة حاجة لاحظتها ...ثمّة عباد متربّين وضحّاكين وكيف يشوفك يسلّم عليك و تحسّوا حالل اللعب مع العباد و ثمّة عباد لا....هيّا صحّيت يا رجّال ملّا ملاحظة عملاقة جبتها :) ...لا هاذي حاجة عاديّة ...أمّا الحاجة إلّي ماهيش نورمال هي إلَي العباد الموش متربين تلقاهم جايّين من نفس البلاصة .الملاحظة هاذي قلقتني على خاطرما نحبّش الأفكار إلّي تعمّم صفات على شعب و إلّا مجموعة بالباهي و إلّا بالخايب..مثلا الألمان منظمين..الفرنسيس ضاربينوا في رواحهم...الدزيريّة صعاب...التوانسة باهين في بيت النوم ...الأنقليز باردين...العرب كرماء...اليهود عندهم برشا فلوس...الوصفان جرّاية...إلخ...إلخ...و على خاطر نقدّس الحريّة الفرديّة ...و نحب اللعبة زي و الأفكار هاذي تنحّي الخصوصية متاع الفرد و تردّنا الكلنا كلمة وحدة...عاد التفسير الأوّل قلت بالكشي الفقر يخلّي العباد فادّة و متأزّمة وتحطاط من بعضها...أمّا موش صحيح العباد إلّي نرى فيهم يخلصوا كيف كيف....ما لقيتلهاش تفسير...الحاصيلو اليوم نقرا في كتاب متاع راجل محترم كان وزير أول و سافر برشا ولاحظ إلّي ثمّة بلدان الناس فيها مبتسمين ومتربين قال
" Colonial imperialism breeds hate, suspicion, envy and arrogance qualities that are fundamentally destrucive"
معناها مركّب النقص إلّي يعملوا الإستعمار يخلّي الواحد يبغض، و يحطاط، و يحسد ويحقر...و يزيد يفسر إلّي الحركات الوطنية الكل مبنيّة على مركّب النقص هذا...كيف جيت نثبّت نلقى العباد إلّي متربّين في الخدمة جايّين من بلدان عمرها ما عرفت الإستعمار...الكنديّين الأنقليز حالّين اللعب و الكنديين الفرنسيس و الزنديانات محطاطين مالناس الكل...الأمريكان و الأنقليز صافين و الأفارقة والهنود يخدموا في مخاخهم...الإستعمار لا يزّي ظلمنا كيف جاء زاد ظلمنا كيف مشى...خلّالنا مركب نقص يخلّينا نفكّروا إلّي النّاس الكل تكرهنا و إلّي يلزمنا نكرهوهم وإلّي الأولويّة للسيادة الوطنيّة قبل المصلحة العامّة وإلّي يلزمنا نخمموا الكلنا كيف كيف و نحطاطوا ملّي يخمّم في حاجة مختلفة وإلّا جديدة وإلّا جايّة من برّة...
الإستعمار و الأفكار القوميّة إلّي جات من بعدو أكثر حاجة تفسد العباد و تنقص مالحرية
Inscription à :
Publier les commentaires (Atom)
6 commentaires:
دوعاجي
اش باش نقلك
فكرة مقبولة ورأي عمري ماخممت فيه
هاك تدعوني للتفكير خاطر من ناحية المنطق انا موافقك بالرغم الي كنت نظن انو الحسد والبغض والكره عندهم علاقة بالفقر والميزيرية
حتّى أنا كنت رابطها بالفقر أمّا الفكرة هاذي عجبتني أكثر مثلا ثمّة أكثر حاجات مشتركة بين البلدان المستعمرة من الحاجات المشتركة بين البلدان الفقيرة في العقليّة و انجموا نقولوا زادة إلَي الفقر ما يعاونش
Je ne partage pas cet avis, ce n'est pas parce qu'on a été colonisé un jour qu'on est incivilisé. à mon sens, c'est lié à l'éducation et à l'environnement dans lequel on vit, le fait que les africains (incluant les tunisiens) "y5addmou fi m5a5hom" viens à mon avis du fait que c'est parce qu'ils vivent (ou on vécu) dans des conditions où il fallait se comporter de la sorte.
mar7bé bik crazy frog...Ce que je voulais dire ce n'est pas dans le sens d'incivisme c'est plus dans le sens des sentiments de méfiance et d'infériorité qui pousse à avoir une attitude plus fermée à l'égard de l'autre ou dans le meilleur des cas une susceptibilité exagérée....je vais souvent sur ton blogue et je le trouve raffraichissant...donc revient nous voir et à bientôt
J'ai effectivement remarquée presque la même chose à plus petite échelle et ce de part la suceptibilité de certains amis maghrébins et leur tendences à s'isoler et à prendre toute insulte comme s'adressant à eux, ce qui les rends plus agressifs et souvent pour rien, car bien entendu le racisme est une réalité mais quand une connaissance "non arabe" en arrive à me parler en ayant peur de dire le mot "arabe" pour me désigner de peur que je le prenne mal, je réalise l'absurdité de la situation puisque nous mêmes employons ce terme dans un sens péjoratif...
Ils faur qu'on essaye de travailler sur notre mentalité. Ça va prendre beaucoup de temps :)
Enregistrer un commentaire