scrat :)

Scrat ou le blogueur tunisien moyen :)

الحجب يسيء إلى صورة بلادنا رسالة مفتوحة :))

Farzit ya lomima par Artiste-Tunisien

أرضى علينا يا الأمّيمة رانا مضامين
نستناو في العفو يجينا من ستة و سبعين
ناديت على ولفتي و لا بات تواجب ندايا
خزرت أمّيمتي و بكات و ڤالت نا نواجب ضنايا
إرضى علينا يا الأمّيمة رانا أولاد صغار
هيّا نتراضو يامّيمة و ننساو إلّي صار
إرضى علينا يا الأمّيمة رانا ديما أولادك
يا الأمّيمة يا عزيزة علينا الله يهلك حسّادك
يا تونس يا عزيزة علينا الله يهلك حسّادك

مانيفستو الزّبلة *

شعب صغير عندو حكاية طويلة مع الخوف الملجأ الطبيعي للخاسرين و إلّا المهزومين...الخوف من كل شي من التّبديل من البرّاني من روحو.... و كل ما يخسر و يخاف الناس إلّي تفهملها شويّة يا تشدّ البحر يا تبيع لآشكون زاد و يخلّيوه هاك الشّعب الصّغير في حجورات البولحية قبل و إلّا في حجورا ت جماعة الكساوي توّا عندهم العلم و اليقين و الأحباس حصريًّاو النّاس إلّي تفهملها شويّة هاذيكا الصّنعة من وقت سان أوغستان و من بعدو ابن خلدون وغيرهم.

 

في أرض الخوف هاذي زادو ورثو طبايع الشّيع و الملل الهاربة خايفة ترڤل من الشّرق تحب تبعد على مركز الخلافة أبداها من علّيسة و إنتي جايّ.... طبايع التّتليف و الغمّة و السّبّورة الكحلة...ما يلعّبهم حدّ في إستغلال و التّرافيك بالذّاكرة و تجميد اللّوجيك... كلّ دشرة كان موش كل عايلة عندها الوليّ الصّالح متاعها و الكلّهم من أحفاد هالإنسان الخارق للعادة هذا إلّي مستحيل بعابص الكبّار متاع توّا باش يعملو إلّي عملو هو.

شعب صغير كون مام حاول يمشي في ثنيّتو ويدبّر حنيّك مع الشّعوب الأخرى و يعمل لروحو ستيل مختلف شويّة على جيرانو أمّا قعد يمجّد في أيّ حاجة قديمة و حاقر روحو توّا و حاقر حتّى لوغتو و خدّامتو و غناهم و جوّهم...

قدّر الله ماشاء فعل...و هذاكة آش هزّت مغرفتنا كاينّو مسطّرلنا باش نقعدو برشا هكّاكة... أمّا ديما من خمسة آلاف سنا عنّا شكون يڤطّع الرّباط و يصعصع ع الوضع... حتّى المجتمع الفلوريطانش قبل الإخّر إلّي عملناه باش نسكّرو على رواحنا تسعة و تسعين في الميا عرب مسلمين سنّة على مذهب مالك ماشدّش ...الإخّراني متاع الكلّنا توانسة نحكيو بالعربي إسلامنا سامباتيك و أخلاقنا سياحيّة بدا يتفترش.... و طول هالمدّة هامش الحرّيّة يتحلّ شويّة و من بعّد يضياق و من بعّد يتحلّ.

الخروج و الدّخول حلّ بيبان متاع تخمام أخرى قبل كان الشّرق و باريس و الزّوز بدّلوننا شويّة أمّا إلّي يمشي و يقدّرلو العالي يرجع يستعمل هاك الوهرة و الكلمتين إلّي تعلّمهم باش يستبله هاك الشّعب الصّغير وقعد كي تطيح بين يديه كتيبة و إلّا حكاية متاع حرّيّة كاينّو يحكيولو على فيل يطير و إلّا دجاجة تزغرط.

اليوم باريس و الشّرق و أمريكيا و الشّنوة و الهند و السّند في بيت الصّالة.... تشغشيبة و ترهويجة صحيح أمّا نشوفو زادة في عباد تحلّ في جلغتها عيناني و تقول في إلّي في بالها و ماهيش بعوّات و ما تمسختش و لّات قرودة و إلّا حلالف ....عباد تقول في كلام كان نقولوه أحنا في قلوبنا نخافو لا يدڤدڤونا.

اليوم الحدود متاعنا حاجة أخرى... نخمّمو في حاجات إلّي قبلنا ما يعرفوش أصلا إلّي هي موجودة... العباد إلّي مازالت عايشة بالسيستام متاع العيشة القديم ماهيش باش تحلم أصلا بالحكايات إلي نحبّو نعملوهم خلّي عاد الحكايات إلّي نحلمو بيهم.

 

في الزبلة الفلقة و الأردوازة الحاجات إلّي جابوهملنا خلصو فيهم ثاني و مثلّث

 

أنواع الخوف (ماهمش ثلاثة أنواع سيدي خويا هههههه) نطيّشوهم في الزّبلة

الخوف من الأحكام المسبّقة، مالرّأي العام، مالإضطهاد، من فقدان بعض الإمتيازات و إلّا كلّها من إستنكار المجتمع للّي تفكّر فيه في الزّبلة

الخوف من النظام السائد من العدالة التّكركيرة في الزّبلة

الخوف من روحك من خوك مالميزيريا مالحاجات إلّي تنجّم تحلّ بيبان تبدّلنا في الزّبلة

 

هكّاكة تتحلّ قدّامنا بيبان غدوة و نستحفظو كان بالحاجات إلّي فيها بوتنسيال متاع تبديل...البوتنسيال هذا يتقاس بالعنف و المقاومة إلّي تقابلها الأفكار هاذي في المجتمع....كيما اليوم حفنة تدوينات قابلهم عنف كبير و مقص حالة تكرب هذا يحب يقول إلّي النّصوص هاذي فيها بوتنسيال متاع تبديلنا و نهارة إلّي تتلمّ الظّروف الأفكار هاذيكا إنّجّمو نعيشوها بالمنجد موش إفتراضيّا...من هنا إل وقتها واجبنا نستحفضو عليها و نكمّلو نبدّلو و نجيبو الجديد.

الماضي تفرض عليك وقتها تولدت ما ينجّمش يكون مقدّس من الإخّر عمرو ماكان يسالك حاجة.

مرض تضخيم الماضي و عباد الماضي و الحاجات و الأفكار إلّي عملوهم و ردّانهم من المستحيلات على العباد متاع اليوم صحيح ممكن مستحيل بالخزعبلات الأكاديميّة باش تعمل كوبيي كولي عليهم... أمّا بالنسبة للعبد إلّي يقرّر باش يكون عبد جديد في وقت جديد حاجة أوتوماتيك باش يعمل خير منهم.

 

Place a la magie!

 

*Inspiré et par bouts traduit du manifeste du refus global par Paul-Emile Borduas publié au Québec en 1948, en réaction à l'arbitraire des censeurs tunisiens.

راحة موت الحضارات

بمناسبة غلق بعض البروفيلات متاع بعض الأصدقاء الإفتراضيين و إلّي بالرغم ما نعرفهمش أمّا ربّيت عليهم الكبدة عملت طلّة على بعض المجموعات إلّي عالفايسبوك و إكتشفت برشا حاجات ما كنتش نعرفها
أوّل حاجة ثمّة برشا عباد عندهم مشاكل نفسيّة عميقة و عميقة جدّا و يلزمهم يشوفو حل لحياتهم مادام بونطوات و حالة حليلة على خاطر بلوغ و إلّا بروفيل فايس بوك...إنشالله لاباس...راهو موش الناس الكل كيف كيف ...كان واحد لقيتو أضمر منّك و إلّا عندو القبول أكثر منّك و إلّا عندو ما يحكي و إلّا متثقّف أكثر منّك موش معناها راك إنتي كِخّة و ما تصلح لشي...تنجّم تكون إنتي تلعب البيس خير منّو و إلّا أشبّ منّو... تنجّم تكون كِخّة زادة و كيف خنفوس الخرى لا يتّاكل لا يتلعب بيه و هذايا الأقرب للواقع و هذاكة علاش مكنك العصب و مالقيت بيها وين و شدّيت عبدتو و المعبود ربّي أمّا مالإخّر ماكش باش تولّي خير منّو...الله غالب هذيكة هي الدنيا تقعد عمرك كامل ما تخرّجش جملة تنفع و ما تسلّكها كان بالتّبلعيط و الكذب.
ثاني حاجة بالرّغم إلّي كنت متشائم فيما يخصّ كي الحفرة الكلبة إلّي تتعاركو عليها حتّى كان جا فيها شويّة بترول عالأقل.... فإنّو من بعّد ماقريت شويّة حوارات متاع شباب اليوم بدّلت رايي و ولّيت متفائل...عملت نظريّة جديدة كيما متاع هذاكة متاع صراع الحضارات تخلّيني نقول إلّي أمورنا باش تولّي سانك سانك في القريب العاجل من هنا إل عشرين سنا و باش نرتاحو من هالعباد إلّي تحكي بإسم ربّي و بإسم العروبة و بإسم البلاد.... هو مالأول العدد متاع المتخلفين ذهنيّا يفجع و يخلّيك تخمّم تحرق جد بوه الباسبور...هيّا تعرف كيفاش تو نكمّل النظريّة نهار آخر على خاطرها حاجة لوكس و مانحبش نبلفطها... توّا ضاهرتلي حاجة لوكس يمكن تطلع من بعّد حكاية حولة و وقتها نورمال نرجعو نقعدو و نستنّاو اللّطخة.

الغصّة

ما عندي ما نقول غير كلمة الغصّة تلخّص الوضعيّة

mosquito

النّاموسة ما تقتلش أمّا تدرّع الخواطر....واحد يخرج باش يعمل سيڤارو يكره روحو و يفدّ و يرجع يجري يخدم....ماعندكمش فكرة قدّاش كمّيّة النّاموس الموجودة هوني و قدّاشو متوحّش من كثر الغلبة تقول ماصاب يخرج دبّ و إلّا ذيب و هزّ عليّ النّمّوس... نهدي الغناية هاذي للنّاموس إلّي عيّفني في روحي و لجحا هههههه

على مين جاي بتِتْ

النّشيد الرّسمي للمت*بّر الأصيل

خلّيك في الفرض لا تكليكي كثير

مافي جاير* علّا و إلّا وقع بكّير

على مين جاي بتت*بّر

*
الجّاير بالدّارجة هو الروفلي... هاك الحراق إلّي يبدى ماشي جاي و كلّ ما تقول وفى يعاود يرجع... كيف ما يقلّك شبيه طالع هابط كي الجّاير...بالضبط كي بعض العباد تقول آهو فكّو و في الإخّر يطلعو ما فكّوشي... الحاصل المت**رين عالفايسبوك صحّة لوالديكم ههههه أخيرا ڤروب يصلح لحاجة ع الفايس ههههه

هيّا بنا نلعب

يعطيك الصّحّة يا ولّادة عالإستدعاء... و ماني ما نحبّش اللّعب بالكلّ هاني باش نضحّي و نلعب... و زيد المرّة هاذي ثمّة إنقشاع و آنا نموت ع الإنقشاع ثمّاشي ما تنقشع أمامي أشياء جديدة ههههه إنقشع هيّا عاد إنقشع...شي...ماحب شي ينقشع...هايلة الكلمة...بالحق بالحق عجبتني...إنقشعوا و لا تتسرّعوا... إسمعوا و عوا و لا تنقشعوا... شبعنا و انقشعنا...سمعنا و أطعنا و انقشعنا... نورّيك الإنقشاع وين يتباع ههههههه ياسر بنينة.

هيّا شويّة سيريو مرّة أخرى شكرا ولّادة.

خمس هدايا أتمنّى الحصول عليها

قصيد فيه برشا مرّات كلمة إنقشع و إنقشاع

دار في الفاليز متاع ڤمّرت

ديديم تشطحلي و أنا ندربك

أوتوروت تونس نيويورك

مڤرون

خمس إجراأت أتّخذها لو كنتُ رئيس دولة

قصيد فيه برشا مرّات كلمة إنقشع و إنقشاع

دار في الفاليز متاع ڤمّرت

ديديم تشطحلي و أنا ندربك

أوتوروت تونس نيويورك

مڤرون

لا لا نفدلك...هيّا سيريو

عفو تشريعي عام و العفو عن كلّ المسؤولين القدم على أي مخالفات أو بينالتيّات أرتكبت قبل تحوّلي المبارك

حذف كل الجمل الزّائدة و الفضفاضة من الدّستور و إضافة مجلّة حقوق و حرّيّات له تؤكّد و توضّح بدون أدنى مجال للتّأويل على قدسيّة الحرّيّات و الحقوق الأساسيّة.

إنقشاع نصف موظّفي القطاع العمومي بدون رجعة و كذلك إنقشاع ثلاثة أرباع أعوان الأمن بدون رجعة.

تعزيز السّلطة القضائيّة و دعم إستقلاليتها ّّّو حذف وزارة الإعلام و مشتقاتها.

إرساء نظام وزاري ثمّ إنقشاعي عن هذا العمل إلّي ما يجيب كان دعا الشّر

خمسة أشخاص أتمنّى أن أضربهم

طبيبة الأسنان المتخلّفة ذهنيّا إلّي فتّقتني من بعضي

زوج و إلّا صاحب ديديم

أيّ حريف يجي يتبهنس من بعّد ما نسكّرو الكوجينة و يحبّنا نسربيوه

أيّ شخص يحبّني نضربو

أيّ شخص يضربني

خمسة أشخاص أتمنّى العيش معهم

ديديم

ديديم

ديديم

ديديم

ديديم
نفدلك راهو جوست مانحبّش نجاوب عالسّؤال
خمسة أشياء أفعلها لو علمت أنّي سأموت غداحاجة بركا ناخو الطّيّارة و نروّح إل تونس نخلط قد قد ههههه

في الثّنيّة نبدّل السّتاتو متاع الفايس بووك و نكتب بوست و نعمل شوية تاليفونات و نمشي نعمل تأمين غالي ياسر على حياتي نكتبو بإسم التّرجّي الرّياضي التّونسي و ننقشع

نستدعى خمسة

براستوس

أرابيكا

هناني

مغرمة

أرتيكولي

اليوم العالمي للمرأة

مثبّتين يابناتي تحبّو نفس الحقوق و الحرّيّات متاع الرّاجل التّونسي؟؟؟؟.على خاطر حتّى هو أمورو ما تعجبش...طالبو بنفس الحقوق متاع الرّاجل السّويدي و إلّا النورفيجي خير.
هيّا سيريو، لا للتّمييز على أساس الجنس في الخدمة و في المكتب و في الشّارع و في الكوجينة و في بيت الفطور و في بيت
القعاد ......و أكهو عاد
.

Take it easy يا عزيزي

هو راهو و برّة عملو جمعيّة؟؟ موش عيب...تصير في أحسن العايلات...شنوّة المشكل؟؟ إلّي يحبّ يدخل يتفضّل و إلّي مايحبّش موش لازم...و الحياة حلوة...أنا رايي في الجمعيّات و النّقابات واضح و صريح...ماهاأّه...معناها لا هاذي لا الجّايّة لا إلّي مبعّدها... هو حتّى حدّ ما طلبني في رايي أمّا شبيني آش ناقصني حتّى أنا نحب نحكي على المجلس التّأسيسي الأوّل للثّورة التّدوينيّة الجماهيريّة الشّعبيّة العظمى و ندخل للتّاريخ من الباب الكبير.

أنا تضهرلي مشكلة التّخنتيب هذا و إلّا التّدوين بما أنّو ولّا ميدان و إلّا قطاع كامل...و واقفة عليه شطر البلاد تستنّى في العسل من إحّم إحّم... التّخنتيب هذا فيه برشا يخنتبو و شويّة يقراو...معناها إلّي يخنتبو هوما بيدهم يقراو و ساعات لا... ما يقراوش جملة...يخنتبو بركا...أنا ساعات نشكّ إلّي ثمّة عباد ما تقراش حتّى إلّي تكتب فيه هيّ و هذا يفسّر علاش موش مفهوم

الحاصل موش هاذي الحكاية...إستنّى فين وصلت...إيه...عاد الجّماعة إلّي تكتب من بعّد مدّة تتنبز إلّي ما ثمّاش برشا عباد تقرا و إلّا العباد إلّي تقرا ما جات شي...و إلّا ما هيش مركّزة معاهم... و إلّا حكاياتها ما تهمّش حتّى حدّ...و هذا معقول...واحد يتنبز أمّا التّخنتيب يقعد تخنتيب..معناها كانك كاتب راك كاتب و تزيد تحلّ مخنتبة باش تسجّل حضورك ع الواب و تعمل السّينرجي مع البلايص الأخرين إلّي موجود فيهم و كانك صحافي كيف كيف...ماكش باش تولّي صحافي إب مخنتبة أمّا مخنتبة تنجّم تعاونك كانك موسيقي ماكش باش تخدم كان في المخنتبة متاعك يلزمك زادة تخدم شويّة مهرجانات و عرابن كونشي تموت بالشّرّ...و كانك سياسي...ليّا و ليك ربّي ما عندي ما نعملّك أمّا مخنتبة زادة ما عندها ما تعملّك وحّدها...و أنا باش نقدّم إقتراح بما أنّو المشكلة الكلّ في قلّة القرّاء و نحنا مانحبّوش الجّماعة تجيها حالة إحباط و ماكم تعرفو الوقت هذا متاع العام هو وقت الدّيبريسيون و نعاونو بعضنا...موش كيف حسين ديراكت طيّحلهم المورال الجّماعة الكلّ و كان يدبرمو توّا؟؟ و إلّا مانعرفش أنا تجرالهم حاجة ؟؟؟و ترصّيلنا في حل و أربط

أنا نقول بما أنّو ثمّة خمسميا قاعدين يخنتبو و ثمّة ثلاثة و إلّا أربعة قاعدين يقراو...نولّيو نعاونو بعضنا...أهوكة الخمسميا نقسمو بعضنا و ميتين و خمسين يخنتبو بالأيّام الفرديّة و ميتين و خمسين يخنتبو بالأيّام الزّوجيّة... و إلّي يخنتبو في الأيّام الزّوجيّة يقراو في الأيّام الفرديّة و إلّي يخنتبو في الأيّام الفرديّة يقراو في الأيّام الزّوجيّة...و هكّاكة حتّى حدّ ما ياخو في خاطرو و النّاس الكلّ يقراوولهم النّاس الكلّ و إلّي باش يخدم أديب في المخنتبة متاعو يخدم على روحو و إلّي باش يخدم صحافي في المخنتبة متاعو يخدم و إلّي باش يعمل سياسة أمورو و آش مدخّلنا فيه...ثمّة حتّى إلّي قد ما حاول باش يحجبوه و طفّاوه..تي ماهو نعاونو بعضناعالأقلّ و أهوكة نمشيو نقراولو ثمّاشي ما ينوب عليه ربّي بحجب و إلّا مانعرفش حتّى طريحة في المركز متاع الحومة...تي خير من بلاش

الحاصل أهوكة أنا هاذي الفكرة متاعي و ماكم تعرفو شنيّة الدّنيا هي؟؟؟ تي ماهي ماخذة بالخاطر...أ هوكة نقراو لبعضنا و مرّة عندي و مرّة عندك ...و إلّي يحكي على سبب إنقراض الدّيناصورات و إنتي الموضوع ما يهمّكش برشا إي شبيه!! إمشيلو و طلّ عليه و خلّيلو كومونتار كان لزم ..الدّنيا الكلّ ماخذة بالخاطر...هكّاكة نلقاو بعضنا مادام ما ثمّة شكون يقرا و نحنا محسوب أصحاب كار واحد و إلّي يضرّك يضرّني...هكّاكة القطاع / ربّي يتولّاكم في هالكلمة ههههه/ ملّا قطاع / يتفرهد و يدور الدّولاب و من هنا إل عام ألفين و عشرين وقتها يولّي ثمّة أورديناتور و كونيكسيون محترمة في كل دار يولّي القطاع يُعبِر.

هيّا سيدي حلّو اللّعب و خلّي إلّي يحبّ يعمل حاجة يعملها و يزّيو بلا تطييح مورال

Eddou3aji fait joujou avec le TAG

Suite au Tag de Wallada, je me mets au jeu. Voici les règles :
- Mettre le lien de la personne qui vous a tagué.
- Mettre le règlement du jeu sur votre blog.
- Répondre aux mêmes questions.
- Taguer sept autres personnes à votre tour.
- Les prévenir sur leurs blogs.
7 choses au hasard sur moi
- J’aime jouer, ce n’est pas compliqué à deviner :)
-Je vais rentrer à Tunis bientôt.
بوشوشة يا بنت خالتي جايلك راكب شاماد
من برّة كحلة و بيضا و من داخل البريقاد
- Je vais avoir un congé de plus qu’un mois.
- Je vais me couper les cheveux avant de rentrer si non ma mère va me tuer.
- Je pense changer de travail après les vacances
- Ça fait 7 ans que je n’ai pas assisté à el 3id el kbir. L’année dernière j’ai égorgé une merguez. Ce n’était pas la même ambiance.
- Je travaille la nuit depuis un mois.

7 choses à faire avant de mourir
- Ouvrir un restaurant
- Créer une école.
-Créer une librairie, une maison d’édition et plein d’autres trucs qui font perdre de l’argent.
- Arrêter de fumer.
- Une nuit avec deux jumelles (désolé, mais j’ai une liste complète comme ça, je vous épargne le reste. Ma liste est mise à jour fréquemment )
- Prendre ma retraite
- Cuisiner un diner pour Tn-blogs. Et aller dire que Eddou3aji n’est pas gentil.

7 choses que je déteste faire
- Faire 1500 œufs fris chaque matin (ça fait un mois que ça dure)
- faire du shopping avec une fille ou un garçon qui se comporte comme une fille dans un magasin.
- Attendre que madame soit prête
- Me couper les cheveux
- Fumer dehors à moins 20
- Parler au téléphone
- Dormir.
7 choses que je ne peux pas ou que je ne sais pas faire
- Me faire loucher les yeux
- La lessive :)
- La vaisselle :)
- Jouer au poker
- Ranger :)
- La mécanique des voitures à part changer les pneus et remplir le réservoir :)
- Faire le même travail plus que 8 mois.
7 choses qui m’attirent chez ma chérie
- ses ….
- ses ….
- ses jambes
- ses cheveux
- ses mains
- ses lèvres
- Sa beauté intérieure (Elle a une belle paire de poumons à ce qu’il paraît)
7 choses que je dis souvent
- yezzitchi taw
- 3ajjaw
- eyh echbih normal
- $%?&%$/
- emmmmm behi
- ciao
- ahla bik7 célébrités que j’aime
- YOSRA
- JULIA ROBERTS
- Bip bip (Road Runner)
- Tarek Dhiab
- Slim Chiboub
- Tenacious D
- Kacem
Voici maintenant les blogueurs que je tague à mon tour :
Arabica
Mad jerba
Mani
Khannouf
Khil we lil
Barbech
Mariouma de bariz
Bachbouch ( mouch hnani :) )

دعوة ملحة لعودة أرابيكا بيننا

FathiyaKHayri-YalliBoodak.mp3

NON À LA CENSURE

C’est une de ces journées où on a honte d`être un tunisien en 2008. Et dieu sait que depuis quelques temps elles sont nombreuses ces journées.

Après cinq milles années, de civilisation, on peut supposer qu’on peut être considérer comme des gens matures qui peuvent choisir pour eux-mêmes les sites internet qui leurs conviennent.

28 siècles après la république de Carthage, on peut supposer qu’on mérite d’avoir la chance d’exprimer ses idées sans avoir des problèmes.

25 siècles après la loi des douze tables proclamées à la grandeur de l’empire romain et dans sa deuxième plus grande ville, on peut supposer qu’on a un système judiciaire équitable et efficace.

15 siècles après l’islamisation, on peut supposer qu’on est égaux devant dieu et tous les autres.

3 siècles après la révolution française, 60 ans après la déclaration universelle des droits de l’homme, on peut supposer qu’on a le droit d’écrire et de lire ce qu’on veut.

50 ans après notre constitution, qu’on a écrit nous même, tout seul comme des grands garçons. On peut supposer qu’on la respecte.

EEEEEET bien…. non.

Le 4 novembre 2008, pendant que les autres font des affaires, inventent des trucs, créent demain, nous pour la énièmes fois, on est obligé de demander de stopper la censure parce que, et c’est vraiment pathétique.

Chez nous on censure encore
J’espère que le juge va faire son travail…..C`était Juste pour clore sur une note d’espoir mais je suis presque sûr que je vais avoir plus honte après le verdict.

La Grande Charte (anglaise) (1215)
À personne Nous ne vendrons, refuserons ou retarderons, les droits à la justice.

و كيما قاعدين تعطّلو فينا برّا يرّاكم كي عجالي البسكلات ما تخلط وحدة على أختها

الإجماع

هالمدّة إلّي عدّيتها نقرى في البلوغوسفار حتّى لين ولّات هي و التّليفونات و الإم إس إن مصادرالأخبار الوحيدين إلّي عندي على تونس... قبل كنت نقرى لابراس في البيرو ساعات و بالطّبيعة كيما تعرفو لابراس ما تخلّيكش تعيش مع الأخبار كان إنّجّمو نسمّيو الشي إلّي تكتب فيه أخبار...عاد السّتّة شهرالإخّرانين أوّل مرّة في سبعة سنين نرجع شويّة في جو يشبّه ياسر للمجتمع التّونسي... يشبّه على خاطر ثمّة برشا عباد و برشا حاجات و برشا أفكار و برشا بلادة و ركاكة من تونس ماهيش موجودة جملة و إلّا موجودة بالشّويّة عالنّات...أمّا بلّي يكون تقعد ديما خير ماللّابراس و غيرها...آه بين قوسين من المدوّنات الأوّلانين إلّي قريتهم مدوّنة خيل و ليل إنشالله سي علي يبدّل رايو و يرجع يكتب فيسع على خاطر البلوغوسفار ماهيش كيف كيف بلاش النّقشات متاعو...مانيش قوي في الكلام متاع خسارة عظيمة للمدوّنات إلخ ... أمّا إلّي نعرفو إلّي هي خسارة عظيمة ليّ أنا...نسكّرو القوسين

...عاد يا مرحوم الوالدين ملّي رجعت إل مجتمع شبه جربوعي (جميع الحقوق محفوظة للبي تي بي)...و زيد ماعادش نخدم في بيرو و العلاقات متاعي ولّات منحصرة في الدّبوبة و الغربان و ناس تِتّكْرِم بالأنجليزيّة...و زيد على هذا توّا عواشر و الرّايت مايت و الرّاس تحت الزّاورة...ثمة حكاية فقت بيها مؤخّرا...هي حكاية قريتها في ماتيار هاك العام في البسيكولوجي دي جروب علم نفس المجموعات تقول إنتي...شوف ربّي القراية طلعت تصلح ساعات...ثمّة حكاية إسمها القرار بالإجماع و إلّا بريز دو ديسيزيون أفاك كونسونسوس...هو كي تجي تشوف في القراية هي حاجة باهية معناها كي يبدى ثمّة جماعة يحبّو ياخذو قرار يقعدو يحكيو عليه مديدة و ياخذو بخاطر النّاس الكل و ما يتعدّى القرار إلّا ما النّاس الكلّ تبدى متفاهمة عليه...معناها نوع مالقرارت المشتركة أمّا ماهوش كيما القرارات إلّي تتّاخذ بالأغلبيّة و إلّي عندو خمسين في الميا مع واحد هي إلّي يقرّر و موش زادة قرار من طرف واحد...هذا نوع متاع خدمة يمشي في التّصرّف و في السّياسة و يتسمّى ديموقراطي بالرّغم ملّي جماعة الدّيموقراطيّة القحّة يقولو عليه إلّي هو موش كيف النّوع متاعهم إلّي نورمالمون نشدّو نمزبلو بعضنا قدّام العباد و تهرّسني و نهرّسك و من بعّد إلّي يجيب خمسين في الميا مع واحد هذاكة إلّي عندو الحقّ...مثلا في اليابان و حسب ما يقولو ثمّة حزب واحد ديما يربح أمّا تتسمّى ديموقراطيّة على خاطرو مجتمع متاع كونسونسوس و ما عندهمش في سبرهم العناد و صحّة الرّقعة متاع القِورّة...يغسلو صابونهم بين بعضهم و الفكرة إلّي تخرج هذيكا ياخذو بيها خاطر الجّماعة الكل...ثمّة زادة شويّة بلدان أسكندينافيّة مجلس النّوّاب متاعهم كاينّو في جربوعستان ما يوصل القانون قدّامو إلّا ما يكونو تفاهمو عليه النّاس الكل و عادة يتعدّى...هذا الكلّ ما يخصّناش في الحكاية الحولة إلّي باش نحكيها على تونس...بركا قاعد نراجع في دروسي شكون يعرف ع الدّنيا غدوة يتسمّم واحد في الكوجينة ترصّيلي نخدم في بيرو نبيع في الرّيح للمراكب...الحاصيلو ثمّة مجموعات تختار و إلّا طبيعتها تخلّيها تختار طريقة الإجماع باش تعيش حياتها...في تونس كي نجي نشوف المجتمع متاعنا تلقاه يمشي بثقافة الإجماع...يقول القايل كيفاش تي نحنا أصلا ما عنّاش مشاركة في القرار ملّي نبداو صغار في العايلة و إلّا في الحومة...لا هذا صحيح ماناش كيما الجابون و إلّا فنلندا نحنا لمّينا الحاجات الخايبة الكلّ في حكاية الإجماع هاذي... هيّا شدّ عندك أوّل حاجة القعدان هكّاكة...كي يبدا مجتمع مستانس بالإجماع و النّاس الكل بازقين في إفّام بعضهم صعيب برشا باش تبدّل أيّ حاجة و شكون رابح في الحكاية ؟ النّاس إلّي عاجبها الوضع و تحبّو يقعد هكّاكة...النّاس هاذومة يقلّك مادام ثمّة شكون معارض التّبديل ما نبدّلوش و ديما يلقاو و إلّا يصنعو شكون ما يحبّش يبدّل و يقعدلهم الجو كيما يحبّوه هوما و بما أنّو المجتمع شايخ بثقافة الإجماع و يحب الماخذة بالخاطر ما يقلّقوش ياسر... مانبدّلو إلّا مانتفاهمو النّاس الكل كيفاش باش نبدّلو... و هذاية صعيب ياسر كي تبدى ثمّة ناس نيّتها مقعمزة و ما تحب شي يتبدّل...مثال بسيط و إلّا خلّي موش لازم لوّجو الحاجات إلّي النّاس الكل تحبّها تتبدّل و ما تبدّلتش و موش لازم تمشيو بعيد ياسر أبداو من جاركم إلّي عمل عَوْو ْ عالمادّة و بنى عليها سور و النّاس الكل ولّات تهبط تمشي ع الكيّاس و تخرنن أمّا نورمال و يكفي واحد بركا في الحومة يقول عشرة و الماخذة بالخاطر باهية النّاس الكل تقول الله يبارك و يقعدو يوتوتو مبعّد
عندك ثاني حاجة يخلّي الفرد و إلّا الأقلّيّة إلّي تعارض برشا قرارات الأغلبيّة مكروهة مالباقي على خاطر ديما تقلّق فيهم...بما أنّهم النّاس الكل متفاهمين و ثمّة واحد مرّاجة ديما يقوللهم لا مناش متفاهمين يولّيو يكرهوه...و لهنا ساعات ينجّم يكون عندهم الحقّ و هو معدة و مررلهم عيشتهم بمانيش موافق أمّا ثقافة الإجماع تخلّيه في موقف معقّد منّو هو عندو الحق في الماخذة بالخاطر كيف النّاس الكل و منّو مكروه على خاطر قاعد يعطّل في مصالح الجّماعة و إلّا موش متفاهم معاهم و هذا يخلّي للمجموعة زوز حلول الحلّ الأوّل تجيبو للثّنيّة بالإقناع و إلّا بالمشطة و الحلّ الثّاني تهجّجوو بالرّغم في بعض الأحيان ينجّم يكون عندو الحقّ و كان تصير مقارعة الحجّة بالحجّة كان ينجّم يقنع منهم جماعة أمّا بما أنّو ديما مبلبزها و ثقافة الإجماع تخلّيه يعطّل المجموعة حدّ ماعاد يسمعو...مثال بسيط و إلّا خلّي موش لازم أخطانا مالمشاكل...ناقصين هوما
الحاجة الثالثة و الأهمّ...و الله ما نعرف علاش الأهم...يمكن على خاطرها الإخّرة...ثقافة الإجماع تخلّي النّاس يتفاهمو ساعات على حاجة حتّّى واحد منهم ماهو مقتنع بيها...كيفاش؟؟ كل واحد يعمل فكرة في مخّو على المجموعة آش تحب تسمع...كي يقولو آش قولك في الحكاية الفلانيّة؟ يعطيهم الجواب إلّي يتصوّرهم الكل باش يجاوبوه... وكل واحد في الإخّر يقول نفس الحكاية و ساعات حتّى واحد ماهو مقتنع بيها...مثلا نحكيو بجدّنا كي الكلّنا نحبّو أبو القاسم الشّابّي...من الإبتدائي يسألونا شكون الشّاعر المفضّل متاعك؟؟ أبو القاسم الشّابّي... ثمّة شكون يعجبو بالحق أمّا خمسين في الميا مالتّوانسة يعرفو كان إذا الشّعب يوما أراد الحياة و ثلاثين في الميا يقلّك هو كتب حماة الحمى و كي يسألوه يقلّك أحسن شاعر و إلّا نحكيو بجدّنا توّا كي الكلّنا مع حرّيّة المرأة هكّا كي يبدى تونسي في التّلفزة و إلّا في قعدة مخلّطة يبدى يشوط أمّا برّا للقهوة تو تسمع لين تشيخ في غلّاو علينا الخبز و كان شدّت دارها خير و السّميد و الدّار أمّا المجموعة تخلّيه يقوللها آش يتصوّر هو تحبّها تسمع...و هذاية تنجّمو تسمّيوه نفاق و إلّا كذب أمّا مادامنا ديما نلوّجو ع الإجماع بالطّرق الكل بما فيها العنف و الماخذة بالخاطر و التّبرويل هذيّة النّتيجة الوحيدة إلّي إنّجّمو نوصلولها...و هاذي مانعرفش طبيعة و إلّا حاجة تنجّم تتبدّل.

تضامنا مع النّاقد

ميسالش مانحبّش حكايات المقاطعة أمّا القصّان لا...شماتة في بومقص آهو البوسط و كيف ما قصّيت شطر النّات ع البلاد...برّا بجاه سيدي عبد المولى... يعطيك قصّة في الب

***

أعلن جغرافيون فلسطينيون مقاطعتهم المؤتمر الـ31 للاتحاد الجغرافي الدولي الذي تستضيفه العاصمة التونسية، بعد غد الثلاثاء، ويستمر أربعة أيام، احتجاجا على مشاركة صهاينة فيه.وقال مدير الجمعية الجغرافية الفلسطينية مسلم أبوالحلو، أن الجغرافيين الصهاينة يحملون رتبتين؛ الأولى عسكرية دموية، والثانية علمية جغرافية عنصرية.وكان عدنان حيدر، رئيس جمعية الجغرافيين التونسيين، الذي يترأس أيضا اللجنة التنظيمية لهذا المؤتمر الذي ينعقد تحت شعار "لنبن معا مجالاتنا الترابية" بمشاركة 70 بلدا عربيا وأجنبيا ونحو ألف جغرافي، قد أكد في مؤتمر صحفي أمس أن عدداً من الجغرافيين الصهاينة سيشاركون في المؤتمر. ورفض حيدر الانتقادات التي وجهت لجمعيته لقبولها مشاركة صهاينة في هذا المؤتمر، زاعما أن ذلك جاء تماشيا مع اتفاقات دولية وقعت عليها بلاده.ويشارك في المؤتمر جغرافيون من مصر والسعودية وسوريا ولبنان والمغرب والجزائر وليبيا والإمارات العربية المتحدة والكويت والأردن وعُمان واليمن، إلى جانب جغرافيين من دول أوروبية وآسيوية.ولا تقيم تونس علاقات دبلوماسية رسمية مع الكيان الصهيوني، لكنها تستقبل باستمرار زوارا صهاينة، من ضمنهم مسؤولون في "اسرائيل" وعدد من كبار الحاخامات، يسافرون سنويا إلى موقع ديني يهودي في جزيرة جربة جنوب العاصمة التونسية، ويحظون باستقبال على أعلى المستويات وترحيب رسمي.

----تعليق على الخبر

:

الغريب أن تونس التي تعتبر القضية الفلسطينية في صدارة اهتماماتها ما انفكت تحاول التطبيع بكل الاشكال

الرسمية وغير الرسمية مع الكيان الصهيوني فهي تفتتح مكتب علاقات معه وتستقبل كل سنة وفودا من اليهود الى معبد الغريبة في رحلات منظمة وحاولت في قمة المعلومات استدعاء الارهابي شارون ثم تحت ضغط الشارع خفضت التمثيل الى وزير الخارجية مع ان حضور هذا الاخير ترافق مع تحركات شعبية معارضة له ...هذا في مقابل صمت عن ما يحدث في غزة الان وصمت عن ما حدث من قبل في جنين و ..وووو.واليوم يتواصل استدراج اللوبي اليهودي في شكل اخر علمي هذه المرة " الاتحاد الجغرافي الدولي "... فأي تطبيع هذا ؟؟؟

Au nom de la rose

L’excès de sensibilité dont on souffre face à la plaisanterie (aussi insignifiante soit elle) et l’absence de l’auto dérision ne peut engendrer qu’un terrain fertil à la terreur, la suspicion, la crainte et surtout à l’obscurantisme. Le dernier commentaire de notre ami free race sur le post de 3ayyeche m’a paru un peu excessif. Bien sûr, je n’insinue pas ici qu’il veut installer le règne de la terreur et qu’il est extrémiste et autres bouffonneries mais la question est que cette susceptibilité qui nous a atteint comme société et qui est par ailleurs compréhensible vu les défaites successives qu’on subit depuis des lustres, cette susceptibilité excessive nous conduit au point où veut nous emmener la pensée obscurantiste.
Au nom de la rose est un roman admirable d’Umberto Eco que j’affectionne particulièrement. Dans ce livre, que je ne veux pas réduire à l’histoire que je cite ici parce que c’est un trésor d’informations sur le moyen âge et un roman délicieux. Le moine responsable de la bibliothèque commet plusieurs meurtre pour empêcher les autres d’atteindre un livre d’Aristote sur l`éloge du rire. Son excuse est simple : il ne veut pas que les hommes se croient autorisés à rire: il faut les tenir ployés sous terreur. Le rire, anéantirait la crainte de Dieu et amènerait la ruine de l'Église. Toute proportion gardé, Je ne compare pas 3ayyeche à Aristote ni Free à un moine médiéval. Mais c’est un constat de la complexité de la question de respect des croyances d’autrui. Qui met les regèles ? Est-ce que le nombre des personnes fâchées est un critère ? Cette auto censure qu’on s’impose volontairement par respect est ce qu’elle laisse le terrain libre pour plus de peur? Laisser quelqu’un tourner à la dérision une idée, un symbole sans en faire une histoire n’est il pas un signe d’une société en bonne santé? Le moyen le plus efficace pour alléger la passion aveugle pour une vérité n’est il pas le rire?
Il y a quelqu’un qui aurait dit ``le devoir de qui aime les hommes est peut-être de faire rire de la vérité, faire rire la vérité, car l'unique vérité est d'apprendre à nous libérer de la passion insensée pour la vérité``

Quatrième de couverture:
Rien ne va plus dans la chrétienté. Rebelles à toute autorité, des bandes d'hérétiques sillonnent les royaumes et servent à leur insu le jeu impitoyable des pouvoirs. En arrivant dans le havre de sérénité et de neutralité qu'est l'abbaye située entre Provence et Ligurie, en l'an de grâce et de disgrâce 1327, l'ex-inquisiteur Guillaume de Baskerville, accompagné de son secrétaire, se voit prié par l'abbé de découvrir qui a poussé un des moines à se fracasser les os au pied des vénérables murailles. Crimes, stupre, vice, hérésie, tout va alors advenir en l'espace de sept jours.
Nous voici donc en l'an 1327 dans une abbaye Italienne en compagnie de Guillaume, ex-inquisiteur et de son secrétaire Adso (le narrateur), au milieu d'une intrigue policière médiévale, durant sept jours. L'Abbé Abbon charge Guillaume de résoudre la mort d'Adelme mais d'autres morts vont s'en suivent et compliquer le travaille du « détective » et de son jeune secrétaire. Guillaume va vite se rendre compte que ces morts sont liées à la bibliothèque de l'abbaye. Durant plusieurs nuits ils tentent (Guillaume et Adso) de déchiffrer les arcanes de cette bibliothèque conçue comme un labyrinthe , qui les mènent vers un livre « étrange », un livre d'Aristote, sur l'éloge du rire...

Je blogue pour la liberte d'expression

و كان ماتحبّش تنجّم تسكت إنتي حر

الدّوانة التّدوينيّة

ثمّة حاجة إل توّا ما فهمتها قد ما كسّرت راسي و خدّمت المادّة الشّخمة .... توّا كي تعمل أصدقاء إفتراضيّين حاجة حلوّة حتّى كي تبدى ما عندكش الإيمايل متاعهم تبدى عامل جو ع البوستوات متاعهم و التعاليق الشي إلّي يخلّيك تحب تتعرّف عليهم و تشوفهم هذا الكلّو معقول إلّي ما فهمتوش هو كي تعمل أعداء إفتراضيّين شنوّه الكيف إلّي فيها ما نعرفش أمّا أبارامون ثمّة نوع مالجّو ما فهمتوش...معناها تمشي لبلوغ متاع واحد بالذمّة باش تقلّو راني نكرهك و ما نهضّمكش و ما ذابيّا ما نراكش...عبارة مشيت شريت جريدة تكرهها و غصّبت على روحك باش تقراها و من بعّد خذيت الكار و مشيت إل دار الصّحافي و سبّيتو...هو لا محالة لهنا أسهل أمّا هذا ما يمنعش إلّي ما نفهمش علاش الدّوانة.... في الدّنيا كي تكره واحد لله في سبيل الله تلقاك ماذابيك ما تراش وجهو موش تتعرّضلو كل يوم باش تسبّو الحاصل ما فهمتش... بالله كان فيها برشا جو هكّا و حفّالي فسّرولي خلّي نتفرهدو معاكم
على خاطر إل تو ما نجّمت نكره هاش تي تي بي.إيندراشكون.بلوغسبوط.كوم...إنّجّم نكره عبد أمّا بلوغ هاذي تكنولوجيا صعيبة على مخّي... زيد على هذا شنيّة الآفاق المستقبليّة متاع علاقة عداوة إفتراضيّة...نعملو ميتاب في بطحا و نكسّرو جداقات بعضنا؟؟ نعطيو لبعضنا الإم إس إن و نكمّلو نسبّو بعضنا راس راس؟؟ ما فهمتش كان ثمّة حاجة بالله ضوّيونا
البوسط ما عندو حتّى علاقة بحكاية المسلمين برشا و المسلمين شويّة و إلّي موش مسلمين بالكل...بركا الفوفعة إلّي تحلّت خلّاتني نخمّم في الحكاية...تعرفوني عادة نموت ع الفوفعة أمّا الفوفعة هاذي مانّجّمش نشارك فيها على خاطر الدّين حاجة شخصيّة ما عندها حتّى علاقة بالشّأن العام... و ما نّجّمش نجي إنّاقش حتّى حد في معتقداتو حتّى كي يبدى يسبّلي في ديني....نسكن عند واحد سيخي و عندهم إحتفال بانتصارهم ع المسلمين مانيش باش نجي نقلّو بطّل باش تحترم دين أولاد حومتي...تي الحاصيلو الحكاية مصاتت مالمعاودة ...هاو شوفو شكون أكبر متضرّر ملّي قاعد يصير في النّقاش هذا...لا حزب الدّيك لا حزب الله المتضرّر الوحيد هو الدّين إلّي العباد الكل قاعدة تشولق فيه كان تخلّيوه حاجة شخصيّة و ما تبنيوش عليه سياسة و لا تحالفات و لا حملات حتّى حد ماهو باش يدور بساحتو حتّى النّاس إلّي في بالها اتدافع عليه عن حسن نيّة و هي تزيد تغرّق فيه.

Addicted

Puisque je commence à être « addicted » à ce blogue je commence à me poser des questions existentielles du genre est ce que je reste anonyme ou je me dévoile?? C’est sur ce n’est pas facile : liberté et irresponsabilité ou bien autocensure et responsabilité?? Entretenir ma schizophrénie ou flatter mon narcissisme??
Après mure réflexion j’ai décidé d’être responsable et me la boucler voici ma photo ici.

الشنقة مع الجماعة خلاعة

Une autoroute Tripoli nouakchot ou au moins une autoroute Tunis-Casa. Une monnaie unique ou au moins une zone libre echange. On est en 2008!!!

وشكون شكون... شكون إلّي بغى المعجون