mardi 6 mai 2008

صورتي الصينية بالعناصر التونسية

شكرا براستوس و هناني على دعوتكم اللّطيفة للمشاركة في لعبة أزواو. هاني باش نجاوب فيسع فيسع ما غير تخمام على خاطر شادّة بعضها بالخدمة ههههه.
ان كنت شجرة فما هي : زيتونة
ان كنت اكلة فما هي : مقرونة بالصّالصة كاملة الأوصاف بالحمص و البطاطا و الفلفل الأخضر و الهريسة و الثوم و الرّند و اللحم البقري و التابل و الكرويّة...
ان كنت زهرة فما هي : ما نعرفش إسمها هاك النّوّارة إلّي يلعبو بيها تحبّني ما تحبّنيش و إلّا يحبّني ما يحبّنيش أهيْكا صفرا و بيضا
قرية او دشرة او حارة فما هي: باب سويقة ( العوج ما نطيقه هههههه
ان كنت قصيدة فما هي : يا ليل الصّب متى غده
ان كنت شخصية تاريخية فمن تكون : علي الدّوعاجي
ان كنت شخصية خرافية فمن تكون : الأمازيغي إلّي باع إل علّيسة أرض مساحتها جلد ثور
ان كنت وادي او نهرا فما هو : واد مرق اللّيل
ان كنت شخصية قصصية فمن تكون : القرباجي إلّي في قصّة الدّوعاجي يفرّق في الما و في اللّيل يبدى يقسّم عالقصبة
ان كنت حيوانا فما هو : حنش
ان كنت حليا فما هو : بلّوطة
ان كنت لباسا فما هو : دنقري
ان كنت شذى او رائحة فما هي : الخبز كي يبدى يطيب
ان كنت موقعا فما هو : بلاصة في قرطاج بين قصر الرّئاسة و مطعم إسمو نبتون فيها دروج يهبط للبحر ( لا محالة توّا فسّدوها حطّو فوقها بلاكة باسم المطعم بالرّغم إلّي هي ماهيش تابعتّو) بلاصة تنجّم ترى منها منظر يشوفو إلّي في القصر و إلّي في المطعم و ما غير ما تولّي رئيس و إلّا تبدى لاباس عليك.

و كل من تورط في هذه الأسئلة مطالب بتوريط 6 مدونات و مدونين
أمررالاسئلة الى : ـ
بالملوان

13 commentaires:

عاشور الناجي a dit…

اسمها شقائق النعمان
;)



و شهيتني في صحين مقرونة

:))

Anonymous a dit…

abann ma9rouna takiha min yedine
3bed yehibik offfff bichfaaaaaaa
tabda takoul we it9oul ihibni ...maihibnich lol lin tachba3

Mariouma a dit…

merci ki 5amemt fia
j'ai aimé l'histoire de l'endroit entre le plais et le resto d'ou on peut profiter de la vue en étant monsieur tout le monde.
j'irai voir 3ala faza photo à l'appui.

Anonymous a dit…

ya maryouma y3ayyech benti yezzik bla "photo à l'appui" latrassilek tab7eth!! rahou elblassa bejnab le9sar ya3ni pas de photos!

HNANI a dit…

فنان في الماكلة و الرايح و العيشة... زايد معاك هههههه

Mariouma a dit…

@anonyme 2:
merci de t'inquiéter pour moi
lebes lebes!
ken fama emkanya, sawarna, ma famech mouch lezem :)))

Sosso a dit…

النوّار ماهوش شقائق النعمان هذوكم حمر ام يظهر انتي تحكي على الأقحوان

wissal a dit…

ya si dou3aji ha al warta, ibda3i el fanni taht essfer "0" w ba3d etafannén mta3ek bech nhachem rouhi, emma merci beaucoup quand même, heureusement que je suis passée par là pour voir que je vais jouer a ce jeu, et maintenant que tu m'a pris makrounti, je ne sais pas quoi cuisiner ;-p
allez c'est parti...

Sosso a dit…

Akhiran jewibt, je te le dis comme ça tu passeras voir lol

eddou3aji a dit…

@
عاشور ناجي

شكرا عالمعلومة و صحّة وبالشّفاء حتّى أنا شاهيها أمّا وفاتلي الهريسة :))

@ أ نونيم

يا لندرا وين نعرفك؟ وجهك موش غريب عليّ ههههه

@hnani:

عيّشك وربّي يفضّلك...و الله خاطيني الفن هههههه
@ mariouma
ماغير مزيّة و هانا نستنّاو هههه... التّصويرة والله حتّى على أنترنات ما ثمّاش أمّا ماحلاها هاك البلاصة
@ Azwaw :
يعطيك الصّحّة في هاللّعبة...أمتعتنا كيما العادة...آه من ثنيّة النّوّار و العشق... أحلى ثنيّة
@ sosso
و الله ما نعرف شنوة الإسم بالعربي.. بالسّوري إسمها المارغريت... هيّا هاني جيت نعمل طلّة ههههه

@ wissal: عيشك أمّا لا فن لا شي ههههه هاني نستنّى و أنا متأكّد إلّي باش تجيبلنا نقشة هايلة

brastos a dit…

شقائق النعمان هي البوقرعون الاحمر
و اللي تحكي عليها يا دوعاجي الصفرا و بيضا هي الأقحوان

حاصيلو

هاني عزفت شويّة "ياحبايبنا" متاع الشيخ امام .. ليك و لكل الاصدقاء اللي يعيشو لبرّا .. ـ

eddou3aji a dit…

أهلا براستوس، مشكور على الدّعوة و على المعلومة :) و اللّه شفتها الغناية أمّا ما نجّمتش نسمعها...خوك في وسط الغابة و الكونكسيون حموم هههههه دوب ما نرجع للحضارة نسمعها و أنا متأكّد إلّي هي نقشة مزيانة كيما العادة... شكرا مرة أخرى ع الهديّة المعزوفة والدّيديكاس

wissal a dit…

3asslama si eddou3aji, c'est bon c'est fait,
je te laisse le liens, soit gentil s'il te plait,
http://cuisinedewissal.canalblog.com/archives/2008/05/15/9188346.html