على إسم تونس خلّي التّاريخ يهرّ
تونس عندي أزين برّ
نحبّها و هي تعبر ع البلدان
علم و جو و ألحان
و نحبّها كي تولّي صحّة أبدان
و تطيّش في الحفر
على إسم تونس خلّي التّاريخ يهرّ
تونس عندي أزين برّ
نحبّها بشماتة و بفيانة و كي الصّغير الحشّام
و نكرهها و نسبّلها والديها بدلال مسمام
عوجها و سرّها يحبّلو كتب كلام
و ركاكتها ربع سطر
على إسم تونس خلّي التّاريخ يهرّ
تونس عندي أزين برّ
نخلّيها و نهجّ و كلّ واحد يشدّ ثنيّة
و تتلفّت تلقاني في غصرة و حميّة
لاهي شجاعة لاهي برشا رجوليّة
هي تجيبني و عندها السّر
على إسم تونس خلّي التّاريخ يهرّ
تونس عندي أزين برّ
عن شعر لصلاح جاهين كبّيتلو سعدو
عيب واحد يجي يكتب من بعدو
غير بركا كلمات في بالي قعدو
و ما يلزّك ع المر كان إلّي أمرّ
على إسم تونس خلّي التّاريخ يهرّ
تونس عندي أزين برّ
دييييزووولي ههههههه
4 commentaires:
Ettari5 yhirr kima qalou nes bikri ett3adda 3ala wed harhar wemate3addech 3ala wed sekit.
ديمة فنان والكلام طالع من القلب
حتي كيف تستعمل كبان السعد
هههههه
Merci...
ça vous coupe l'envie de vous révolter...
@ sosso : yodhehorli fi hadhi thamma exception ettari5 el harhar ki iherr barchja ma3adech temmenou :))
@ hnani : 7achamteni ya hnani, rabbi ifadhelek amma rahou tbalbiz hakkeka :)
@ khayati : Content que ca vous plaise :) Quand meme je garde l'envie d'une revolution tranquille :) et pas beaucoup de dommages collateraux pour les gens qui payent a chaque fois et ne gagnent rien.
Enregistrer un commentaire