samedi 1 février 2014

عنق الزجاجة

دوب ما نقوم مع نص النهار*** نمسّح على رقبة البلّار

نتلمّس عنق الزجاجة. ***تصفى و تركح العجاجة
 ما تخطاني المرّاجة   ***  و ينساني الدّمّار
إلّا بشفّة  بنت الثلاجة***  فمّها منبع الأسرار 
 
 خلّي مرتي تقول و تحكي.    *** و تعمل فيها غايرة و تشكي
ما نمسّش رقبتها نبكي.       ***  و كان لزم نهرب مالدٌار
 في أبعد بار نمشي نرسكي *** نعيش غادي صح ستّار

برميل الشراب يكون طاولتي. *** و الدبابز هوما شلتي
هوما ديني و هوما ملتي.      *** هوما الصاحب هوما الجار
كانك على بن آدم ديما يفلطي*** تبعد عليه تعمل أفار
 
نعيش نمسّح عالرّقبة.     *** شفّتي ديما في النّقبة
بعيد على اللّكزة و العتبة *** عالخرنان و عالهدّار
لا نتمنى لا عنقود لا عنبة *** لا نحسبك لا نعملّك كار

البيرّة هي الحل*** و الشراب هو العمل
الشيخة هي الكل*** في ثنيٌتنا للباتوار
كي ما تعلّش عالأقل بل***حيّر شويّة الخنّار

كان واحد بلع الصّبّاط*** و تدفن و مقفولو شاط
و من غدوة ڤطّع الرّباط*** رجعلكم يجري في بانوار
أعرف راهو فمّو مساط***  و ما لقاشي  مارشي نوار

Aucun commentaire: