samedi 16 février 2008

قاعدة مورفي


علاش كيف نبدى نخدم الطقس يبدى يفتق و كيف ناخذ كونجي تشد بعضها و عِدّو الخ...ى باش يصب؟ آش عملت في حياتي ... نبدى نبرمج و جايب ما عندي و مالنهار اللّول الطّبيعة تسيب الركاكة متاعها وتقلّك ماهأّه، أقعد في الدّار،بربي علاش هكّا...البلوقوسفار الكل قريتها، التلفزة مافيها شيء تقولش عليّ نتفرّج في صفحات خضراء، الفالنتينو مشى وهز معاه الطفلة والشهرية


La perversité de l'Univers tend vers un maximum

قاعدة مورفي، قاعدة مبنيّة على أسس علميّة مبالغ فيها شويّة أمّا صحيحة...تبدى من منطلق ( قدّاش تعجبني كلمة منطلق:) منطلق تتقال بقلب ورب
تقولشي قنبلة...منطلق) إنّو كان ثمّة إمكانيّة وحدة باش تتبلبز و تخلى و تشد بعضها راهي الإمكانيّة هاذي باش تصير....موش حكاية تشاؤم ولّا واحد مسكّرها.....لا ...لا ...حكاية ستاتيستيك...مثلا وقتاش تجي الكار و إلّا المترو؟ وقت إلّي إنت مازّلت كيف شعّلت سيقارو...كيف تختار كاسة في سوبار مارشي باش تخلّص...ديما تجيك الطفلة الصغيرة إلّي مازّالت تترانى و الصّفوف الأخرين الكل يكمّلو و إنت تقعد تستنّى فيها...البريز او. إس. بي. عمرها ما تدخل مالمرّة الأولى، يلزمك ديما تقلبها....قدّاش من مرّة طيّحت حاجة ما تتكسّرش؟ قليل ياسر...ديما ما يطيحوا كان الحاجات إلّي يتكسّروا... كيف تعمل خبز بالزبدة و تطيّحوا .... ديما يطيح على الشّيرة إلّي فيها الزبدة....قدّاش عندك من ما كينة في الدّار؟ و أما هي إلّي تتكسّر... ديما أكثر وحدة تستحقها...الرّاديو القديم إلّي عمرك ما تستعملو ديما صحيح و الراديو ريفاي إلّي حاجتك بيه هو إلّي يتكسّر...


و صيرتو و قتاش تنزل الأمطار الغزيرة و الثلوج و تهب الرّياح العواتي و تغلق الطرقات...طبعا عندما أكون في كونجي...تبًّا...مارد...أسطي دو طابرناك...شيت...كارنبا..دامن...ينعن دين سانتا ماريا...الز...كش...القلاوي
!"/$%?&??%


6 commentaires:

Der Kameltreiber, Ladeeni ولد الصحرا a dit…

قانون ميرفي من أصح القوانين على الإطلاق

eddou3aji a dit…

للأسف صحيح
:))

Z Y E D a dit…

ti wassa3 belek :) pour ce qui est de la tartine ca ete explique sur M6 ds l emission de mac lezgi (pas sur de l orto!)

c parce que les tables sont hautes de 1m20 et cette hauteur ne permet qu un demi tour a la tartine :D
voila !!!

eddou3aji a dit…

:))) bien expliqué, ça veut dire il faut changer de table :), Bellahi, ils n'ont pas de solution pour les congès et la météo :).

Moghrama a dit…

ta dernière visite chez moi , je la dois au mauvais temps alors ?

eddou3aji a dit…

Non je visite ton blog beau temps mauvais temps :) ca vaut toujours la peine :)