mercredi 26 mars 2008

نشاز من غير حروف

على راس إلّي حبّوا و إلّي اتْحبُّوا.... و إلّي يحِبُّوا و تدلّلوا عليهم... و إلّي يدّلّلوا و هوما يحبّوهم...و إلّي يحِبُّوا و يحِبُّوهم...و على راس إلّي يحبّ وما قالش... و إلّي قال و ما جابش... وإلّي ما يقصدش ميسالش...و و على راس الحفّالات و الزغرطات ... و إلّي يتبّعوا في المسلسلات.......آهي غناية العبدو للّه كبّلها سعدها :))...موش بلعاني أمّا هذاكة حدّ الجّهيّد :)...و إنشاللّه أيّامنا ديما ربيع :)) اليوم خميس و غدوة خميس ...و الغايب الأنونيم ( لا تورّيه لحبيّب) و إبليس

7 commentaires:

nemella a dit…

kima ma 9olt kabtehla sa3deha!!:p
ama machkour ala majhoud qd meme:d
aya liltek zina!!

HNANI a dit…

آش عملت يا دوعاجي؟ التوريش أطول مالغناية.. كيف ما قالو التزغريط أكثر من الكسكسي ههههههههه

Bel Malwene a dit…

شششششااااااللللهه ياااا حفّاله ... زغرطولي على فضيلة!!!!!!!!!!!!!
هايلة المعزوفة يا دوعاجي (من عزف منفرد) تشبّه لحبي يتبدل يتجدد هههههههههههههه (نفدلك راهو ... يعطيك الصّحة)

brastos a dit…

سعدها ماهوش مكبوب .. ومانيش نجامل
العزف فيه روح و فيه احساس بالغناية و رغبة في اسعاد المستمع ..يمكن بعض المهارات التقنيّة ظهرتلك ناقصة .. موش مشكلة .. تجي مع التمرين و الوقت قارن عزفك هاذا مع اوّل نهار شذيت فيه كمنجة .. تو تفرح ..

Sosso a dit…

Comment dire? c'est très personnalisé !lol
Ya3tik essa7a.

eddou3aji a dit…

@ nemella : إنشاللّه عم الهادي اللّه يرحمو يسامحني و برّا :) و العبرة بالمشاركة :))

@ hnani : التزغريط أكثر من الكسكسي :))) قلت الحق :)) ماهو ما حبّيت ننسى حد :)) و زيد هاني نستنّى في الرّشيقة...إرشقوا تو نكمّل :)) نقبل لي كارت دو كريدي و الدّوفيز راني :)))

@ Belmalwène : إي يايّااا هي... وينها دار الفرح :)) وبرّا هكّاكه :)) يعيّشك يا بالملوان...قلت الحق تشبّه إل حبّي يتبدّل :)))) أهوكه في إطار تعميم البهجة :)))

@ brastos : يعيّشك يا براستوس...صحيح و اللّه التّمرين هو الكل...عندي قريب السّتّة سنين نمسّها كان في المناسبات... ولّينا كيف المعرّسين عندهم برشا :)) نكركر فيها معايا في كل بلاصة أمّا ماثمّاش جو متاع عزف :) آهو الرّبيع و اللّمّة رجّعوا النّفحة :))...شكرا على الرّوح و الإحساس بالغنّاية

@ sosso : Yodhhorli on peut même dire, c'est très massacré :))) ...
i3ayyechek.

eddou3aji a dit…

يعيّشك.... ماهو يقلّك ما لزّو كان بو لزّاز...و زيديني ووووهًا زيديني ههههههههه