vendredi 25 avril 2008

القانون و بيت النّوم

معناها قاضي نخلّصو فيه بفلوسنا و لابس روبة و قاري اندرا قدّاش من عام باش يقعد و يخلص على قضيّة "مواقعة أنثى وإفقادها لبكارتها عن بعد"...يا و الله أحوال... توّا الحكاية تنجّم تكون موش مهمّة و ما تجلبش الإهتمام بالكل أمّا تذكّرنا إلّي قانوننا يدّخّل في حكايات ما تهمّوش... حاجة تصير ما بين زوز مواطنين راشدين و قابلين و مافيهاش إكراه... بالله آش مدخلو فيها.... قبل ما نوصلو للتّخلّف متاع العائلة إلّي ماشية تشكي و المسائل القانونيّة متاع فقه قانون و اندراشنيّة و حكاية بالتّليفون تجي و إلّا لا.... إذا المرا و الرّاجل كيف كيف آش نقصدو بيه قانون كيف هذا...مرا راشدة و راجل راشد وعملو أي حاجة عن قبول و رضا... آش مدخّل الدّولة و القانون....هذا نوع من القوانين إلّي يدّخّل في الحياة متاع العباد وبالأخص النّسا و حاسبهم كاينّهم بنات صغار و إلّا محبس كريستال... المرا بعقلها و تعمل إلّي يضهرلها كيفها كيف الرّاجل و ما تجي تشكي كان في حالة إغتصاب و إلّا قبل سن الرّشد...هذا هو المعقول كونشي قاعد تحقر فيها و تحسب فيها متخلّفة ذهنيا...حرّيّة المرا تابعتها الجزئيات هاذم.... و مجلس النّوّاب و المحكمة ما عندهم ما يعملو في بيوت النّوم متاع المواطنين

12 commentaires:

Anonymous a dit…

el khadhi tkallas fih min So***EK?
Je parie que tu ne paie meme pas tes impots?

Stop tes conneries, tu n'es vraiement pas drole
Ce genre de dossiers, vous pouvez les retrouver dans tous les pays: Quelqu'un porte plainte, cette plainte est recevable, la justice prends son cours
Kalli NKHALSOU FIH EL KHADHI???

eddou3aji a dit…

@ anonyme:
خويا المتخلّف ذهنيّا
ياخي تخدم في الفيسك سيادتك؟؟
آهو باش نزيد نفسّرلك ع الجو على خاطر صعيب كانك باش تفهم
نحكي على حكاية
recevable
هذيكة موش عاجبتني... ميسالش؟؟

Anonymous a dit…

Billehi yezzi mil Bleda
OUI c'est un cas recevable
Les parents ont porté plainte contre X, le procureur devrait la recevoir et la faire suivre parce que la fille pourrait etre mineure et pourrait devenir un cas de IFSED CHABIBA, meme si c'est par le mobile

Toutefois ce que je n'ai pas aimé dans ton post, c'est le fait de dire nous sommes en train de payer le juge - Qui es tu pour dire ceci? Les juges ya mothkhallaf sont en train de se sacrifier, Santé et enfants, pour que justice régne

eddou3aji a dit…

لا سامحني هاك طلعت تفهم أمّا فهمك ثقيل شويّة و برّا...إلّي كتبتو كتبتو على أساس إلّي الطّفلة عمرها فوق العشرين... و ما فهمتش آش مدخّل العائلة و آش مدخّل القانون...و إنت كان كادوك القضاة أنا في بالي نخلّصو فيهم و كان عندك معلومات أخرى على موارد الرّزق متاعهم قولنّا ميسالش

Sosso a dit…

j'ai adoré le post de bigtrapboy sur la question. Il a parlé de ce que ça aurait donné par fax, des enfants illégitime (awled ettelifoun). Bref un détail a était omis, nes bikri kanou yqoulou errbi3 rabba3 welban qras welli 3andou tofla ye5dhilha tarres. Je pense que si l'avocat de défense base sa plaidoirie sur cette vieille sagesse il aura gain de cause pour le ta3is sa7ib attelifoun mofqid rochd al3adhara.

Moghrama a dit…

j'ai pas compris grand chose vu que j'étais absente de la blogsphère depuis un bon moment et que j'ai pas lu le post de bigtrapboy , la seule chose que j'ai pigée est que monsieur l'anonyme doit être juge lui même et qu'il soit hermétique à l'humour de dou3aji ...moi , je viens ici spécialement pour avoir une bouffée d'oxygène et pour rire ...merci dou3aji ,continue de publier ce que bon te semble , les blogs , c'est fait pour ça

eddou3aji a dit…

@ sassou : g aime le post de btb aussi :))). T9oul enti na3mloulou circonstances attuneantes 3la
5ater errebi3?? ma39oul :)))))

@moghrama : Merci moghrama, je suis content que ca te plaise. ca fait longtemps!! Je suis heureux de te revoir ici. Merci de ton support :)

Sosso a dit…

Ti chnou ya dou3aji Sosso mouch Sassou lol

eddou3aji a dit…

@ sosso : desole faute de frappe :)sans commentaire ou oster ma star rabbi :)))

julian sark a dit…

ahla ye dou3aji

Ena aussi je suis pour koll we7ed 7orr we nnaqsou men loughet "chaddina zouz ech 3amlouo" we ekk ellougha khater 90% menha houma des cas mebniyyin sur des mensonges wella klemm ness.

Ama 7aja wa7da :
ma3adech tqoul nkhallsou fehom, khater me yjich we7id qari we bqadrou we tqoul 3lih nkhallsou fih, kayyenekk tqoul feha el koll we7ed yekhdem feddawla!

Ama sinon behy ken sa3at b chwayya ironie on dédramatise le quotidien tunisien elli howwa fi 7add dhethou ridicule.

Mela vive la liberté en toutes ses formes et continue ...

Julian Sark
PS: temchich tqoul nekhdem feddawla edheka 3leh:-)
Rani meme pas 3ayech fi tounes.

Da7dou7a a dit…

Alllllllllah allllllllah allllllahhhhhhhh!!!! Haw lklém esswéb!! Ana zé&da kont 8ayba 3al 7rara wel brouda 5ater l9raya ama tawa essif jé wbech netdhayef ba7dhék missélich?:) Hani na9ra fil lé post l9dom:)

eddou3aji a dit…

@ julian sark:
ya 5ouya mar7ba bik, wallahi la
9sadt bech ntayya7 9dar 7add
bel3aks ena 7asses 3lih el maghboune...mba33ed 9rayyetou ou kol chayy jayyine idhayye3oulou fi wa9tou...7keyette el flouss rahi
s7i7a ou yelzemna ndhakkerou biha de temps en temps bahi lel mentalite mta3 rez9 el bilik elli t9oul mouch mta3na ntayyechou fih 3allimine ou 3al issar :))

@ Da7dou7a :
Mar7be bik ya da7dou7a :)), ou ija tdhayyef fi kol wa9t, eddar darek. content que ca te plaise.