lundi 26 mai 2008

كرتي ما أجملها

هالأيّامات الواحد رجع تغرم بالكورة... الجو جميل و شاعري و شبعة شماتة و تنبير و مشاكل... الحاصل الجو المثالي للكورة... عاد توّا كلّ واحد هزّ البطولة متاعو و عملنا التّداول السّلمي ع البطولة نرجعو كيف ما كنّا و يا من عاش العشرة سنين الجّايّين...ما غير ديبلوماسيّة و ما غير بوليتيكمون كوركت إلّي رجّعني للكورة هي خسارة الإتوال... ما غير حتّى طرف جهويّات عندي برشا صحابي سواحليّة أمّا الإتوال لا... معناها الأيّامات فرحان كيف وقت إلّي التّرجّي هزّت الكوب دافريك... أكثر حاجة شخت عليها هي الغنايات الجّدد... لا محالة هوما موش جدد برشا أمّا ما كنتش نعرفهم كيما أووه ياساحلي مانعرفش علاش كيف سمعتها تذكّرت رئيس متاع جمعيّة إيه إيه يزّي بلا بلادة متاع جمعيّة ... لا محالة تقعد يعطيها دراشنوّة ليتوال وحّدها أحسن غناية في تاريخ الكورة التّونسيّة من بعّد التّرجّي يا دولة...إحساس رائع قبل في الميتون في المنزه كي يخرج الجمهور باش يعبّي الماء ( على خاطر الدّبابز قبل كانو يشربو فيهم الماء)أعطيك واحد يقول ليتوال.. تي عاد إلّي كان يشري في كسكروت يبطّل و إلّي كان في التّواليت يبطّل و النّاس الكل يجاوبو بكل حماس و بقلب و رب يعطيها ندراشنوّة... إبدااااع... في الغنايات الأخرين لازم تلقى بيت ديما موجود ألا وهو بالعينو موتى...الحق إخّر مرّة روّحت الجّوامع معبّين و توّا خمسة و خمسين ألف بالعينو موتى..... خمسة و خمسين ألف مرّة يغنّيو يا ربّي أنصر دراشكون و مبعّد يغنّيو بالعينو موتى... واحد برّاني يقول عنّا إنفصام في الشخصيّة أمّا هذيكه هي تونس...ياخي موش غفلو علينا شويّة جماعة الشّرق في أوّل الإسلام ياخي رجعو يلقاو الشيوخ متاعنا حلّلو الشّراب... الحاصل الكورة في ضاهرها لا تزيد عن الدّمّار لكن في باطنها برشا ريق

12 commentaires:

الــبوهــــالـــي a dit…

خويا دوعاجي .. انا كيفك
عندي الغناية هاذيكة هي احسن غناية

brastos a dit…

دوعاجي و بوهالي

شششششششششت !!!!!

وفيتوش من الحديث في السياسة توّ ...؟؟

Bloton a dit…

Tarajji ya rachwa, ca sonne bien aussi

wissal a dit…

:-))))) yahdik ya dou3aji fakkartni fi ayyam zaman, w fi marrat elli khali sakhaftou yé5i hazni lelstade amma fi romdhane w hatni fi tarkina b3ida bech manasma3ch el ghonnayet w el fan el assil elli yetfattek fi estade, hassilou 3morha ma tal3ab l'etoile koddam tarajji eddawla, w el ghonaya 3al etoile na3mallek tassrih bech tghanniha fi blasti 3la 5ater kallik 3ib, allah ghaleb nasma3 elklém!!mokrahon o5touka la batal!!

eddou3aji a dit…

@ bouhali:
روعة يا بوهالي، غناية تحرّكلي المشاعر و الأحاسيس هههه

@ Brasos:
يا براستوس يهديك ههههه علاش هكّا، أنا و البوهالي نحكيو ع الكورة ههههه

@ Bolton :
:))) 7a99 men 7ou0ou9ek :))) amma ta3ref ech kanou ijawwebou 9bal ki i9oouloulehom tarajji ya rachwa :))Hayya sidi mar7ba bik.

@ Wissal:

:))) hayyela 7keyette essetade amma apparement wallet normal laghneyette hadhi tawwa tet7att fel boitette ou tghanni fiha essebaya ou el 3ozzebe ma3adech thamma mochkol :)))

Sosso a dit…

là je ne peux rien dire connais rien à rien au foot ni les chansons du foot oui sauf un truc chda5el ezamelek wel ahly?

eddou3aji a dit…

wallahi jaww 7awel ettbba3 surtout hallayyamette 7afla. Fine ezzamalek ou el ahli?? kounchi fel post la5er. Mahou question de priorite :))

Tunisien a dit…

Ibda3 dans ta description ya dou3aji!!
Je suis entrain de lire ton poste au travail et miit bitho7ok!!!! :D ki rawa7t ltounis en ete, je suis alle aux clubs a sousse, et TOUT le monde chantait dans la piste l'antheme national des swe7lia. Ywalli le DJ yna99es fil volume pour bien apprecier les vois mte3 libghoula fil piste :p

eddou3aji a dit…

@ tunisien: Merci ya tunisien. tounes baladou el fara7i
edda2im :)). Netedhakker marra hazzina re7la el soussa ou ki
7attou ole ole ole jma3a tghanni l'etoile ou jma3a etterajji....
cha3ra la walletelna 7arb ahliyya ghadi :))

Tunisien a dit…

LOL!! VOILA!! Wena na3ser fi mo5i ilyoum au boulot n7ib netdhaker il ghonaya et j'ai pas pu m'en souvenir. C'etait Ole Ole Ole Ole l'etoiiiile l'etoiiiile!
J'etais avec des amis min tounis mkach5in, we 7atta houma wellaw y3aytou l'etoiiiile 5ayfin mitri7a... Tellement 5ayfin illi sout-hom a3la min sout eswe7lia :D hahaha

5pop5 a dit…

يا والله حالة هاعقاب الجلد المدور عمل حالة في العباد

eddou3aji a dit…

@ tunisien: lool elli 5af nja :))
@ zaman : ti ahawka 3ajjaw ou barra :))