jeudi 17 juillet 2008

مناش خايف؟؟

ماثمّة شيء؟؟تي شنوّة تبدّل؟؟ لا لا تستخايل ما ثمّة شي هي بيدها الحكاية و برّا شطر بنات حومتك تحجّبو عادي نورمال...باش تدبّر فيهم آش يلبسو؟؟ أمورهم...و إلّا الحرّيّة كان في الميني و الهيجة و الدّبر؟؟ لا كلّ شي نورمال و أحنا كيما كنّا...فقنا بشوية حاجات غالطين عنّا نبدّلو فيهم و نتثقفو....إيه و برّا كان يبيع في هاذيكا اللطف آش يقولولها...هي لا محالة ثمّة شكون يقلّك مبعّد النّبي حلال...تي آش علينا فيها....أهوكا ربّي هداه...أمّا خير و إلّا المشاكل....لا إنتي دراشبيك السّاعة النّاس تخرج البرّة تبارك الله يرجعو ربّي هاديهم و يعرفو الدّين على قاعدة... ياخي في تونس عنّا دين نحنا.... حكايتنا فارغة...أهوكا فلان يعيش في أمريكيا... ولّى من جماعة الدّعوة و التّبليغ و مشى للهند باش يعلّم جماعة كيفاش يحجّو... و إلّا الآخر مشى للكندا جا صوفي...اللهم صلّي عالنّبي...وجهو الكلّو نور...آش اسمو تعرفو؟؟ هذاكة ولّى سلفي... تي يا ولدي ما تخافش...نورمال...هذاكم الجّماعة إلّي يعيشو كيف السّلف الصّالح... و آش خصّ كان جينا الكل كيفهم رانا رجعنا قويّين كيما قبل...تي ما تبدّل شي يا ولدي...إنتي دراشبيك...ياخي ولّيت شيوعي؟؟؟ نحنا مسلمين من أوّل الدّنيا...إيه و برّا أربعة أولاد حومتك شدّوهم في سوريا حارقين للعراق باش يحاربو؟؟ عادي جدًّا...هاذوكم رجال ماشين يدافعو على إخوانهم المسلمين...و إلّا حتّى هاذي عيب...نعرفك إنتي حسّيتها كي واحد منهم جابلك كتب باش تقراهم و تثقّف روحك كي شافك تاعب في أمور الدّين.... تي نورمال و برّا موش قاري هذاكة ربّي فاتح عليه و يفهملها بلقدا...ما تحقرش الرّجال هذا كة إلّي تكتك للمشية متاع العراق تبارك الله عليه...توّا بالله شنوّة مخوّفك.. تطلعشي كافر...إمّالا شبيك تهلوس تي بالعكس كارك تفرح.. و برّا الطّفلة فلانة لبست الوحدة الكحلة هذيكا و بطلت القراية...عادي ياولدي...تي نورمال ماعادش تحبّ تسلّم عالرّجال باليد...حاجة عاديّة...آش خير مالحشمة...ثمّا كان كالرّاجل الكبير إلّي عبارة مربّيها كي ما حبّيتش تسلّم عليه باليد ما عجبتّوش الحكاية قالّها : دين والديك لا يجوز... كنت نبدّلّك في الكوش قبل...أمّا سينون عادي آش فيها عيب ما تحبّش تسلّم عليه باليد... و برّا بيناتهم 40 سنا و كي بوها...الشّيطان ديما حاضر.... إنتي حكايتك حكاية...عندك مشكلة مع الدّين...إيه إيه عندك مشكلة...إمّالة علاش تهلوس و يستخايلّك... و برّا إنتي قاعد في القهوة جاك واحد قالّك الآذان إذّن قوم صلّي... ماهو يحبّ يربح فيك ثواب... و برّا ما تعرفوش... و جبدك من يدّك و يلحلح بيك...الحق ما كاركش ضربتو...ما ثمّا حتّى شي تبدّل بالعكس النّاس ربّي هاديها تبارك الله... هكّاكه...وحّدهم وحّدهم...ما تبداش تهلوس ...هوما أحرار.

بالله شكون قال المرّة الأخرى في بوسط إلّي نحنا ماشين في الحيط...شنوّة ماشين في حيط... و زيد ورانا سيمي ريمورك يجري في
الميا و ثمانين و ع اللّيمين هفهوف و ع اليسار هفهوف... و إلّي معانا في الكرهبة جابد علينا لام... أكهو حلّ الرّاديو كاسات و إستنّى اللّطخة.
النّاس تلعب في لعب صحيح و فلوس متلتلة قاعدة تتصرف...و أي واحد يتلكمتو عليه يجيبوه يشطح ليه ليه...حقرناهم ياسر و هوما قاعدين يخدمو في خدمة صحيحة...ماعادش تضحكو عليهم نحنا إلّي نضحّكو..كي الفتاوي إلّي تضحّك و التّكفير ...و تسريب الرّمل و إلّا دراشنوّة أمورو ماشية بلقدا... و مانيش نقصد في واحد هداه ربّي قام يصلّي...هذاية واحد تلكمتو عليه قام هزّ روحو و مشى إل غانا يعلّم فيهم في الدّين...يا بو قلب... غانا؟؟؟...الآخر يحب يمشي للعراق...محاكم شرعيّة تحت الطّاولة....باهيشي توّا؟؟؟ إلّي يبهّت هو تونسي صارف عليه الشعب باش يتعلّم تعليم شبه عادي يتحندر كيف واحد من مالي و إلّا من دجيبوتي قاري في مدرسة إسلاميّة صارفة عليها السّعوديّة...لا نفعت لا قراية لا شي في ستة شهر تقول هزّيت عبد و حطّيت عبد...يولّيلك سلفي باللّحية...و ما همش شويّا...مانعرفش عاد شي يخوّف و إلّا لا أمّا الشّي إلّي ريتو في تونس المرّة الإخّرة و إلّي نرى فيه الأيّامات في إخّر الدّنيا...ديجا البلاد هاذي حكيت عليها بتفدليك على خاطر جيتها عمناول أمّا كي تشوفهم فين وصلو مبعّد عام برجوليّة لن تمرّو صعيبة شويّة ... بون يمكن في البلوغوسفار لن يمرّو:)) أمّا في الدّنيا و البرّة من الجامعات و الملتقيات و النّدوات... في الشارع و مع الزّوّالي و الإنسان العادي عندهم مستقبل باهر... أي شبر متاع حرّيّة ياخذوه و يستغلّوه على قاعدة صحيحة... و الباقي متاع المسلمين يتفرّجو و عاجبهم الحال.... و حتّى كان موش عاجبهم منين الفلوس باش يقاومو... البترول إب آش و ميا ....إسمع اللّطخة.

19 commentaires:

WALLADA a dit…

أما أنتِ ظهرْت الرّوَا متاع التمقعير هههههههه
زايِدْ مع ولاد الرّبَطْ

brastos a dit…

وحدك يا دوعاجي ...
:)
برافو
t'as tout dit

Sosso a dit…

moch qotlek tariquou tounis masdoodon masdoodon, et oui tounis ne ressemble plus à elle même . j'y retourne dans qq temps et j'appréhende. S7i7 elli ena ensen blid yesir et en général 7ad mayji yemrijli elkebda 5ater ya3rif mayestanna fih ama j'en peux plus de voir ell3waj besm drachiyqouloulou .
Nzidik mela tawwa rahom wallew ya3mlou a3res eslemiyya. ayyyyyh errjel men jiha wennsa manjiha qal chnou mayqablouch. wel ysawwer welli ysarbi men jihit ennsa nsaa ! Personnellement ça ne me dérange pas spécialement ce qui me gène c'est le prosélytisme, c'est cette croyance profonde de détenir la vérité ya bou galb wajadouha je pense qu"un jour on verra toute la Tunisie ou presque courir dans les rue en toute petite tenue hurlant "eurêka !" eddin jebneh men dhilou

khayati a dit…

برافو عليك ولد الدوعاجي حتى إنت... قريت وضحكت بمرارة وغصرة في الحلق والمعدة وقلت هاو الصح... كليمة حلوة تدوخ وتوري الواقع... ياريت المسهولين (كيف لوخرين) والعلمانيين (كيفي) يعرفو يكتبو كيفك، راهم جماعة الوهابية ما لقاوش شير في بلاد الدوعاجي والبشير خريف والمسعدي وحتى ماغون وترتوليان... ألله يرجم القلم إللي كتبت بيه

Big Trap Boy a dit…

أظنّ أنّك محقّ في التنبيه إلى ضرورة عدم الإستخفاف بالمدّ السلفي والرجعي إلّي قاعد يضرب في السذّج من أهل الوطن


ربّي يسترنا وبرّة

Bel Malwene a dit…

أنقش أنقش يا دوعاجي ... هالزحف السلفي بدا يضرب في أطنابو و يلزمو وقفة باهية ... ربي يحسّن العاقبة

Anonymous a dit…

From Weld Bled
Il ne faut pas avoir peur de notre religion modéré, c'est plutot une occasion pour améliorer le comportement quotidien des Tunisiens
Une personne pieuse ne prends pas de commissions, ne bluffe pas, travaille dure parce que le travail est un acte religieux, respecte le code de la route, respecte les femmes, respecte les agés...
c'est un retour aux sources de la Tunisie, aux vrais principes du nouveau destour et du RCD, avant que des laiques comme Charfi med et autres ne prennent les commandes
rappelez vous le premier acte du nouveau destour était les actions anti naturalisation

Pour ceux qui ont peur de ce retour à la source, je vous dis c'est ça la VRAI TUNISIE; Vous n'etes pas contents, PARTEZ
ARDHO ELLAHI WESIA (la terre du dieu est grande)

Pour Azwaw et Khayati: Vous avez bien vu que les Tunisiens n'aiment pas les laiques, vous avez vu que malgré ce que Charfi a voulu faire à notre jeunesse, il n'a pas réussi, alors foutez nous la paix, suivez la tendance ou partez -

..... a dit…

Un peu hors sujet:
A weled el bled..désolée je me suis arrêtée sur respectent le code de la route, je n'ai jamais vu autant de mitthajbett bruler des feux rouges...imenhom tellement kwiy qu'elles croient qu'elles n'auraont pas d'accident :))) MDR

..... a dit…

Un peu hors sujet:
A weled el bled..désolée je me suis arrêtée sur respectent le code de la route, je n'ai jamais vu autant de mitthajbett bruler des feux rouges...imenhom tellement kwiy qu'elles croient qu'elles n'auraont pas d'accident :))) MDR

khayati a dit…

@Wild al-Blad (?)
D'abord, étrange qu'on brandisse l'identité tel un torchon... Foutaise.
Ensuite, ce que vous signalez comme le comportement du Musulman, nous autres "Koffar" nous l'appeleons la citoyenneté (al-Muwatana) qui n'est pas encore rentrée dans votre caboche, puisque vous parlez par exclusion...
Plus encore, vous parlez de feu Si Med Charfi... Qui que vous soyez, vous n'avez pas fait à la Tunisie (Bladik, prétendez-vous) une once de ce qu'il a fait tant au niveau juridique et qu'académique... Vous devriez avoir honte si vous étiez le Musulman que vous prétendez... Aussi, vous n'êtes ni destourien, ni ercédiste... C'est du pipeau...
In fine. Partir si ça ne nous plaît pas... Quel dialogue! Est-ce ainsi que "VOTRE" islam accepte la différence. Drole d'Islam que vous professez... Vous ne connaissez même pas l'Islam du pays auquel vous prétendez appartenir... Partir, ceci jamais. Ce pays est le nôtre et on ne va pas le laisser sous la botte d'Afghano-Saoudien de votre espèce. Nous appertenons à ce pays et nous y resterons. "J'y suis j'y reste".
Mes excuses à Dou3aji, j'ai squatté votre poste.

Stupeur a dit…

Awwalan bech njeweb si weld bled 9bal ma n3alla9
bech nwassa3 beli 3lih bech nwassa3lou bébou!!

Ijani hné ya si weld bled, ma sma3tekch mli7
ech 9awlik ken enti temchi se3a ta3ti tri7a el termtek

9allik "la terre du dieu est grande" ena n9ollik bhemtik hia elli grande
yesser
tawa nerj3ou lel 7keya lokhra
lé mouch 7keyet el post khater metfehmin fih ou manich bech no93ed nbell ou na3jen fi 7keyet tfahemna fihom
ken nel9ak 9oddemi tawa na3mallik el 9be7a!
tawa mouch 3ib 3lik tsebb fennes 7atta elli twafet ou hazz rabby mta3ou?
malla torbia ou malla religion modérée, chi3ar kima chi3arat el RCD elli ta7ki 3lih. madha bik tkammil t9oul : wana7nou nothmin hadhihi al khiyarat assa2iba ou nouneched 7assan nasrallah lettaracho7 liri2esset el imara al salafia fi biled al maghrib

la laïcité n'est pas anti-islam ni anti judaisme ni anti bgarr
la laicité c'est la séparation entre la religion et la décision politique ya si el 9ari wel met'tha99ef, khrit fih bel tha9afa, ou el jahalout wel dhouloumet sabbou eddalla fi mokhik el mga3mez!
ena 9a3ed hné ou manich mechi khater n7ebb nchouf ennhar elli ten9ardhou fih kil 9rouda mta3 el zimbabwe

les tunisiens jboura comme toi n'aiment pas les laiques, ou ena ma n7ebbekch enti! khatrek nanne7a yesser, 3ala 9ouet jehdek
tu demandes aux gens qui sont entrain de débattre de partir?
Azwaw, khayati et les autres?
bjeh rabby hakka 9arrawek fi jama3 bamako walla fennajaf al charif?

bjeh rabby barra a9ra chwaya 9or2en ou chwaya 7adith ou akhtak men 3adheb el 9abr ou dou3a2 el fatet el fajira khater ken bech tkammil hakka rak bech temchi tfajjir rou7ek
ou ken bech tfajjir rou7ek madha bik teb3ed 3ala hal bled ya raht

Dou3aji et les autres je m'excuse pour les gros mots amma femma 3bed tjahhil el 3omrou ma jhell!

Anonymous a dit…

From Weld Bled
Awalan bech njaweb Stupeur
Je lui dit:
j'ai bien fait mes études, beaucoup plus que toi
je lui dit je suis weld bled wa tchdni minnou
Je lui dit nejbed filli métou et encore tchidni
Kalli naamellek el kbaha, ti ontom les laiques, el jboura Ezzatla ouel Birra khallat fikon Z**** bech taamlo haja

c'en est fini pour vous les maigres laiques, vous avez eu votre chance et vous n'avez pas pu capturer le 1/10 de la population
Maintenant place à la Tunisie que nous avo,ns tjs connu, la Tunisie de la Zitouna radio que sil Khayati n'aime pas, la Tunisie d ela tolérance dans le respect de nos traditions et comme disait si bien Sarko et Bush vous vivez dans un pays, vous vous impregnez de sa culture, sinon foutez nous le camp - pas physiquement, c'est comme meme votre pays, mais culturellement - Chiddou el babboucha mtaakon, khir matcheddou autre chose

khayati a dit…

@Wil al-Bilad
Je n'ai jamais dit que je n'aime pas Zitouna FM. Vous ne savez même pas lirr... J'ai dit que si Zitouna FM devait exister, ce serait au service public de la lancer et non au privé quelqu'il soit, même le gendre du Président. Ceci provient de l'importance du facteur "Islam" qu'on ne devrait pas laisser au privé... car, si c'est ainsi, on devrait laisser le privé instituer des écoles non-mixtes (elles existent d'ailleurs de façon perlée), permettre non seulement le Hijâb, mais le Niqâb, etc.
Voyez-vous, vos idées bien simples ne peuvent pas construire une politique.
Enfin, votre tendance à vous amarrer aux mots grossiers et vulgaires dans vos réponses prouve que si nous étions face à face, vous me tireriez dessus...
Voilà ce que votre genre réserve au Pays.

eddou3aji a dit…

@wallada : عيّشك يا ولّادة...يزّي عاد حشّمتني هههههه يحيا الرّبط

@ brastos:
شكرا صديقي...لا مازال عاد...آهو جاري أبو معاذ توّا...يضهرلي باش نعمل بيه ستار أكاديمي ههههه
@ khayati :
عيّشك...تي أهوكا شويّة تخنتيب أو برّا الفايدة في النّاس إلّي شادّة العسّة في الواقع...معمّلين عليهم و العمالة على ربّي...هوما إلّي يعطيهم الصّحّة و يرحم والديهم

@sosso : wajadetouha hahahaha...J'aime bien l'image... C'est ca qui met une barriere a toute possibilte de vie commune avec les salafistes et tous les radicaux. C'est cette certitude de detenir la verite t'as raison encore une fois hahahahha et je suis sur que c'est la verite :)))

@big trap boy :
و الله شي يخوّف و ماعادش كان السّذّج...إلّي عندو مصلحة و إلّي عندو مشكلة مع صاحبتو و إلّي ما عطاوهش قرض الكلّهم إلخ إلخ ههههه.... ربّي يستر

eddou3aji a dit…

@belmalwene:
أهلا بيك...يلزمو وقفة باهية و برشا حركة زادة ههههه ربّي يستر

@ azwaw: إسمع يا سيدي! السّياسة متاع السّفنّارية و العصا... ديما تمشي الحكاية مع ابن آدم هههه..أمّا الحاجة الثانية صحيح إلّي النّظام قاعد يلعب بالحكاية أمّا قاعد يتأقلم مع الوضع و برّا كيما مستانس... المرّة هاذي اللّعبة صحيحة و قاعد يلعب بالنّار... الحكاية أنترناسيونال و الجّماعة تعلّمو من التّجارب إلّي فاتو و الفوضى في كل بلاصة برشا حاجات تنجّم تخلّي بلاد صغيرة كي تونس تمشي في الحافر... هاهم لهنا في بلاد ديموقراطيّة و ينجّمو يعدّيو رواحهم...يضهرلي الحل الممكن هو برشا فيجيلانس سيتوايان أقلّ واحد يطلع بطلعة ناقفولو في حلقو كي الشوكة... على خاطر مانّجموش نعملو كيفهم و إلّا كيف النّظام و نحرموهم من الكلام و إلّا نستعملوهم... و ربّي يستر
@ oueld bled : hahahaha Pourquoi le code de la route alors dans un pays musulman. Et a la place des concours on donne le travail a celui qui va a la mosque le le plus souvent... De toute facon dans un regime salafiste toi aussi tu ne pourra pas survivre plus qu'une semaine... l'islam modere et le neodestour et la vraie tunisie c'est le genre de discour batard qui n'a aucune logique et qui ressemble beaucoup au discour des radicaux ... dire aux gens ce qu'il veulent entendre pour leur passer une petite vite... La religion du respect, de la liberte, de la femme , des enfants, de la tolerance,bla bla bla...Cette religion ne peut etre comme vous la decrivez que si elle est maintenue dans l'espace prive.

eddou3aji a dit…

@ stupeur: Vas y fais comme chez toi :)) ouel bled ma 93ad fih ma yetehaz 5allinna m3ak bayye :))
@ articuler : Merci beaucoup, content que ca te plaise. Je pense que les salafistes ont plus de chance dans un pays a 99 % sunnites koi que avec les "exploits" de 7assane nasrallah on ne sait jamais... De toute facon les puissances mondiales sont en train de gaver deux monstres dans le moyen orient et un petit pays comme nous peut payer l'addition pour rien.
@ حاج
معقول كلامك أمّا يضهرلي إلّي الأولويّة موش في مقاومّة الإنحلال الأخلاقي إلّي أنا واحد مالنّاس يضهرلي ماعندناش دخل فيه كمجموعة معناها تنجّم تربّي ولادك و تنجّم انتي ماتعملش الحكايات هاذي و الباقي أمورهم و ثمّا قانون يحمي القصّر و المعرّسين...العولمة ما عنّاش وين نهربو منها و الثنيّة من سنّي عادي إل سلفي ماهيش بعيدة هذاكة علاش هذاكة الخطر إلّي يضهرلي أكبر بالنّسبة لينا أحنا...و الملوك كاينّهم ما عينهمش يعاونو المرّة هاذي ههههه هانا نستنّاو و نعرعرو هههههه

eddou3aji a dit…

@ arabika :
ما نستنّاو حدّ... إخدم بسيستامهم هوما كي تمنّع واحد و إلّا تعملّو حصانة ضدّ البهامة ديجا باهي...أنا ثمّا واحد مالقيتلوش حلّ عمناول شكيت بيه لأمّو ههههه.... و الله إفيكاس الحكاية...طلعت مرا و عليها الكلام....و العرعور باهي زادة ههههه طوّل يا للّا و أحكي قد ما تحبّ بنت الدّار إنتي عاد ههههه

Bachbouch a dit…

نشاله حتّى أحنا إروحو لتونس و وجوهنا منوّرة...

eddou3aji a dit…

إنشالله نروّحو السّاعة و مبعّد يعمل الله في النّور ههههه