معمّر يا قايد ثورتنا يا ركّاب الخيل

شنوّة؟؟ قلقنا؟؟ صدّام و كاسترو مشاو على رواحهم و بن لادن ضايع و القذّافي يرتّب في السّيرة قعدنا مانك... ما ثمّاش بطل عامللنا مسرحيّة هكّا نشيخو عليها و تنسّينا المشاكل إلّي عندنا... كيفاش نقعدو ماغير حاجة تشيّخنا في مخّنا و تعمللنا ناموسة باهية....يلزمنا حلّ... جاب ربّي البلدان متاع الفقر عندنا طاقة غريبة في صنع الأبطال... شنيّة راس مالها ياخي هي؟؟ عشرة آلاف مصفّق و تلفزة تصوّر ع المباشر جملتين متاع سبّ و عنصرية كان قالهم واحد آخر علينا رانا حرقنا سفارتو و سفارة الدّولة إلّي بحذاه...شنوّة آخر؟؟ شوية بترول يعاون...البطل دوب ما يشمّ بترولو يولّي قبيح مانعرفش علاش...يلزم روسيا رجعت تطلّع في قريناتها شويّة زادة باش تزيد تعطيه شويّة ثقة في روحو...تي أكهو آهو عندك بطل...شيّخ روحك إب آهو الرّجال و يعطيه الصّحّة و فرهدلي على قلبي.بقى ثمّة حاجة...البطل هذا كيما الأبطال متاعنا الكل عندو مشكلة مع الدّيموقراطيّة...تي هو يقولو إلّي فنزويلا دولة عندها شوية ديموقراطيّة و البطل متاعنا بدا يحترف فيها بالشويّة بالشّوية...بدا عمل فازة باش ياخذ السّلطات الكلّ عندو إل مدّة ثمنطاش شهر و قالو يحبّ يردّ المدّة متاع الرّئاسة موش محدودة...تي أمّا موش مشكل يسبّ في أمريكا و هاذيكا هي الفايدة...فرهدلنا على قلبنا بكليمتين و موش مشكل أعمل إلّي يضهرلك...برّا يا سيدي إنشالله ربّي يعطينا على قدّ قلوبنا و ندبّرو بطل كي تشافيز هكّا يعرف يسبّ أمريكا و ديما هكّا أمريكيا تحب تقتلو و هو ديما فايق بيها...إيه عاد و نعطيوه الصّلوحيّات الكل باش ينجّم يقضي ع العناصر الفاسدة .آه إستنّى عندي إقتراح على بو مقصّ...كان يحلّ مدوّنة يسبّ فيها أمريكا مرّتين في النّهار هكّا مع شويّة مقاطعات مبعّد كلّ وجبة...و يحطّ فيها تصاورو و هو لابس دجين و مريول سبور صانعو فرخ عمرو ثمانية سنين في الهندوراس ...أنا نضمنلو تعاطف لا مشروط من عند الشّعب الكريم و و قتها يشيّخ روحو بالقصّان و ما يدور حدّ بساحتو.ثمّة البلوغ هذا و هذا عجبوني و أنا نعمل في دورة عالنّات. .. واحد منهم حاطّ الجملة هاذي

A famous Venezuelan, Juan Pablo Perez Alfonzo, referred to oil as
the devil's excrement. For countries, easy wealth appears indeed to be the sure
path to failure. Venezuela might be a clear example of that.

و الآخر قالّك كان أمريكيا تجاوب آش تقول إل شافيز

Dear President Chavez, We are surprised by you expelling Patrick last
night. Could you tell us what did he do so we can investigate him and punish him
for any grief he gave you?Worry not about Alvarez, he really does not bother us
in Washington and you can send him back, we have no reason to expel him. We
expelled the one from Bolivia but that was different. But if you want us to
expel him for your campaign, please give us an oil discount as you gave the
Spanish King and we can officially remove him. Because, of course, we can count
on you to keep sending all the oil we need, can we? Worry not, campaign or not
here or in Venezuela, we will keep paying you cash.As for the flights reduction.
We are OK with it, if you want to stop them altogether, fine. Less and less US
citizens are traveling to your country. You know, too much crime and with a
higher dollar they can travel elsewhere now. Those that need to travel to
Venezuela will have to go through Bogota where they will be better controlled
for drug trafficking back home.

و ربّي يعطيكم ما تتمنّاو

Bourguiba palmarium
Uploaded by TheSkydancer