vendredi 6 février 2009

ماعنبالو بوالو


فيّ طبيعة لا يورّيك
ماهيش سامباتيك
ساعات نحسّ بيك
أمّا ما غير ما نخبّي عليك
حاشاك و اللّطف عليك
أكثر الوقت... ماعنباليش بيك


******
شاف
تفتاف
النّاس منّك تخاف
تطيّب سينيي ناف ناف
مشى في بالك جد عليك
إسمع ماعنباليش بيك



******
ماندي
سيندي
ويندي
عندكشي عندي
برّا يقوّي سعدك ربّي يهنّيك
على خاطر أنا ماعنباليش بيك

******

سامنتا
شمطا
ساعات تتبلنطا
يلزمني شويّة فانتا
على خاطر الحكاية ماعادش سامباتيك
تي وات إفر ماعنباليش بيك




******


تفرني
ماكش معبّرني
راك قاهرني
عند البنك الدّولي عاملّي كرني
ياخي ماعندكش كريز إيكونوميك
ترشّح ماعنباليش بيك

******
تساند
تعاند
وإلّا مع الحاكم تتهارد
تركّب و مكفّن الرّواند
برّا شوف مايصلح بيك
حتّى إنتي ماعنباليش بيك

******
تدوّن
تخوّن
تتلوّن
و بدم النّاس قاعد تكوّن
يرّاهم يطيحو فيك
أمورك ماعنباليش بيك

******

تنسنس
متحمّس
و تكمبص
و إنتي متشخلع متشمّس
مخور مخور و شمّ يديك
أسرح ماعنباليش بيك


******

تقرى
سطر و إلّا فقرة
دخت و إلّا فهمت الفكرة
ما غير حقرة
إلّي تعمل تعملو ليك
أمّا مالإخّر مالإخّر مالإخّر ماعنباليش بيك

5 commentaires:

brastos a dit…

c'est du "rap" ... non ??

ولد بيرسا a dit…

هههههههههه
هايلة هاذي يا دوعاجي

eddou3aji a dit…

@ brastos :
:) ahou 7atta ena n7ebb nefhemeha chnia el youm 3asseba7 ou chayy :))

@ weld byrsa:
3aeyyech 5ouya :))

Big Trap Boy a dit…

ههههه

روعة يا دوعاجي

على فكرة حتى أنا ما عنباليش بيك

هههه

eddou3aji a dit…

@ big :
ههههه
عيّشو بيغ
أهوكة تقول إنتي.... ماعنبالناش بيكم جمهور الهدّارة هههه