dimanche 19 avril 2009

هيّا بنا نلعب

يعطيك الصّحّة يا ولّادة عالإستدعاء... و ماني ما نحبّش اللّعب بالكلّ هاني باش نضحّي و نلعب... و زيد المرّة هاذي ثمّة إنقشاع و آنا نموت ع الإنقشاع ثمّاشي ما تنقشع أمامي أشياء جديدة ههههه إنقشع هيّا عاد إنقشع...شي...ماحب شي ينقشع...هايلة الكلمة...بالحق بالحق عجبتني...إنقشعوا و لا تتسرّعوا... إسمعوا و عوا و لا تنقشعوا... شبعنا و انقشعنا...سمعنا و أطعنا و انقشعنا... نورّيك الإنقشاع وين يتباع ههههههه ياسر بنينة.
هيّا شويّة سيريو مرّة أخرى شكرا ولّادة.
خمس هدايا أتمنّى الحصول عليها
قصيد فيه برشا مرّات كلمة إنقشع و إنقشاع
دار في الفاليز متاع ڤمّرت
ديديم تشطحلي و أنا ندربك
أوتوروت تونس نيويورك
مڤرون
خمس إجراأت أتّخذها لو كنتُ رئيس دولة
قصيد فيه برشا مرّات كلمة إنقشع و إنقشاع
دار في الفاليز متاع ڤمّرت
ديديم تشطحلي و أنا ندربك
أوتوروت تونس نيويورك
مڤرون
لا لا نفدلك...هيّا سيريو
عفو تشريعي عام و العفو عن كلّ المسؤولين القدم على أي مخالفات أو بينالتيّات أرتكبت قبل تحوّلي المبارك
حذف كل الجمل الزّائدة و الفضفاضة من الدّستور و إضافة مجلّة حقوق و حرّيّات له تؤكّد و توضّح بدون أدنى مجال للتّأويل على قدسيّة الحرّيّات و الحقوق الأساسيّة.
إنقشاع نصف موظّفي القطاع العمومي بدون رجعة و كذلك إنقشاع ثلاثة أرباع أعوان الأمن بدون رجعة.
تعزيز السّلطة القضائيّة و دعم إستقلاليتها ّّّو حذف وزارة الإعلام و مشتقاتها.
إرساء نظام وزاري ثمّ إنقشاعي عن هذا العمل إلّي ما يجيب كان دعا الشّر
خمسة أشخاص أتمنّى أن أضربهم
طبيبة الأسنان المتخلّفة ذهنيّا إلّي فتّقتني من بعضي
زوج و إلّا صاحب ديديم
أيّ حريف يجي يتبهنس من بعّد ما نسكّرو الكوجينة و يحبّنا نسربيوه
أيّ شخص يحبّني نضربو
أيّ شخص يضربني
خمسة أشخاص أتمنّى العيش معهم
ديديم
نفدلك راهو جوست مانحبّش نجاوب عالسّؤال
خمسة أشياء أفعلها لو علمت أنّي سأموت غداحاجة بركا ناخو الطّيّارة و نروّح إل تونس نخلط قد قد ههههه
في الثّنيّة نبدّل السّتاتو متاع الفايس بووك و نكتب بوست و نعمل شوية تاليفونات و نمشي نعمل تأمين غالي ياسر على حياتي نكتبو بإسم التّرجّي الرّياضي التّونسي و ننقشع
نستدعى خمسة
براستوس
أرابيكا
هناني
مغرمة
أرتيكولي

5 commentaires:

WALLADA a dit…

تي هاك طلعت تنقشع مليح هههههههههه

الله يتولاّك قتلتني بالضحك

alopex a dit…

دوعاجي وليدي فك عليك من ديديم برة صلي وقوم بواجباتك مع الخالق آتو نهار القيامة بعد ما تدخل الجنة يكون عندك خير منها وبالبالة يشطحولك يقلعولك زروسك من غير وجيعة... إلي تحب... حاجة أخرى تركيا بعييييدة عليك أما قريبة من هنا

eddou3aji a dit…

@ wallada:
ههههههه أمّا إستنّى السّاعة شبيك إنتي مالعبتش؟؟ حيلة هاذي هههههه


@ alopex :

ربّي يهديني و يهديك هههههه

eddou3aji a dit…

آهو قالّك كي تلعب ثمّة حاجات تنقشع....جرّب بالكشي تخطف هههههه

مغرمة a dit…

ملا ديدم هذه اش عملت فيك
شكرا على الدعوة